web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet votimi i liberalizimit të vizave për Kosovën

5 Korrik 2016, 18:44, Aktualitet CNA

Tanja Fajon, reportuese për regjimin pa viza për Kosovën në Parlamentin Evropian dhe zv/presidente e Socialistëve dhe Demokratëve, i ka informuar deputetët evropianë të Komitetit LIBE se votimi për regjimin pa viza për Kosovën është shtyrë nga 12 korriku deri më 5 shtator.

?E mora këtë vendim për ta shtyrë votimin për liberalizimin e vizave për Kosovën deri në shtator, duke më ardhur keq që shoh se nuk është bërë përparim i mjaftueshëm sa i përket përmbushjes së kritereve të fundit, veçanërisht ratifikimit të marrëveshjes së kufirit me Malin e Zi. Sinqerisht, shpresoj se Parlamenti i Kosovës do ta ratifikojë këtë marrëveshje sa më shpejt që të jetë e mundur, si dhe para pushimit veror, sepse kjo do të me lejonte mua të vazhdoj me votimin në vjeshtë, si dhe të siguroj përkrahjen e plotë të Komitetit përgjegjës për rekomandimin tim për t?i hequr vizat për Kosovën.

Po ashtu, do t?i vazhdoj përpjekjet e mia për ta ndihmuar Kosovën në rrugën e saj për lëvizje pa viza, sepse lëvizja e lirë, përfshirë udhëtimi pa viza në vendet Schengen është ajo çka njerëzit meritojnë, posaçërisht rinia? është shprehur Fajon.





Lajmet e fundit nga