web counter
LEXO PA REKLAMA!

SHKARKO APP

App Store
Google Play

E fundit!

x

Letra e amerikanëve për zbatimin e rekomandimit 88/ Bylykbashi: Të shërbejë si shtysë për mazhorancën

27 Qershor 2016, 13:34, Aktualitet CNA

Deputeti i Partisë Demokratike ka komentuar sot letrën e disa kongresmenëve amerikanë drejtuar Sekretarit të Shtetit, John Kerry në lidhje me zhvillimet në procesin e Reformës në Drejtësi në Shqipëri. Në letrën e tyre, kongresmenët shprehen se zbatimi i rekomandimit 88 të Venecias do të zgjidhë konfliktet mes palëve, duke përshpejtuar miratimin e reformës.

Deputeti Bylykbashi shprehet se ky angazhim i kongresmenëve amerikanë të shërbejë si një shtysë për mazhorancen për të zhbllokuar reformën në drejtësi.

“Kongresmenët amerikanë duke iu referuar Komisionit të Venecias kanë sugjeruar si zgjidhje të çështjes së vetme ku palët nuk bien dakort, adoptimin dhe zbatimin e rekomandimit 88 të Komisionit të Venecias, duke e konsideruar këtë si garanci për një reformë të suskseshme dhe te gjithpranuar në drejtësi. Urojmë dhe shpresojmë që ky angazhim i kongresmenëve amerikanë të shërbejë si një shtysë për mazhorancen për të zhbllokuar reformën në drejtësi, duke i dhënë zgjidhjen e propozuar nga Komisioni i Venecias në rekomandimin 88.?, shprehet deputeti i PD-së

Më tej, Bylykbashi thekson se kryeministri Rama duhet të heqë dorë nga përpjekja për të kontrolluar gjyqësorin dhe se duhet ti hapë rrugë konsensusit për reformën në drejtësi

?Uroj që Edi Rama të heqë dorë nga përpjekja e tij për të kontrolluar gjyqesorin dhe ti hapë rrugë konsensusit për reformën në drejtësi si rruga e vetme per tju dhënë qytetareve drejtësine qe duan, drejtësinë që nuk mbron por ndëshkon krimin dhe korrupsionin.?, përfundon reagimi i Bylykbashit





Lajmet e fundit nga