web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ Kopjoi Blushi – Mesilën apo Mesila – Blushin ?

27 Qershor 2016, 13:00, Aktualitet CNA

Sot, disa deputetë të parlamentit propozuan amendamentin për ndryshimet kushtetuese për të zgjedhur Presidentin e Republikës direkt nga populli. Këto propozime për ndryshime në Kushtetutë u kryen nga deputetët Ben Blushi dhe Mimoza Hafizi, të ndjekur edhe nga disa deputetë të tjerë të opozitës dhe të partive të vogla.

Menjëherë pas këtij propozimi, ka ardhur reagimi i deputetes së PDIU-së, Mesila Doda, e cila i quajti propozimet e bëra nga Blushi dhe Hafizi si të kopjuara për shkak se ato ishin kryer 6 muaj më parë nga forca politike ku ajo bën pjesë.

Cfarë ka thënë Ben Blushi dhe Mesila Doda kohë më parë

Për të qenë sa më transparent me lexuesit ne kryem një kërkim të thjeshtë për të mësuar se kush ishte i pari që ka propozuar zgjedhjen e Presidentit nga populli.

Në vitin 2006, ish numri dy i Partisë Socialiste, Ben Blushi do të kërkonte që Presidenti i Republikës të zgjidhej direkt nga populli. Ky ishte një nga propozimet e para nga një deputet që Presidenti të mos zgjidhej më nga parlamenti, por menjëherë nga populli.

Nga ana tjetër, PDIU ka dorëzuar në komisionin e Reformës për Drejtësi përpara 6 muajve, opinionin me ndryshimet kushtetuese për të zgjedhur Presidentin nga Populli.

Një fakt interesant që tregon për zanafillën e e propozimit të zgjedhjes së Presidentit nga populli është se deputetja Mesila Doda, gjatë një interviste të dhënë për mediat në vitin 2012, shprehej se Presidenti do të zgjidhej në atë kohë nga vendimi politik i PD-së, duke mos mbajtur të njëjtin qëndrim që ka sot për zgjedhjen e tij nga populli.

Qëndrimi i deputetit Ben Blushi për të zgjedhur Presidentin nga populli duket të jetë më i hershëm, pasi ai e ka kërkuar këtë gjë në vitin 2006, kur sapo kishte ardhur në opozitë. Kjo tregon se nuk ka qenë Blushi ai që ka kopjuar propozimin e PDIU-së dhe deputetes Mesila Doda./citynews





Lajmet e fundit nga