Deklarata e Policisë/ Reagon pronari i Piceri “Era”: Mirë unë u rrëzova, po im bir ?

27 Qershor 2016, 10:56, Aktualitet CNA

Pronari i Piceri Era, Altin Bamllari, ka reaguar për deklaratën e policisë ku thuhej sa ai dhe djali i tij nuk ishin dhunuar, por ishin rrëzuar në kohën kur po vraponin për tiu larguar policisë.

Në reagimin e përmes rrjeteve sociale, pronari i ?Piceri Era? shprehet në mënyrë ironike duke e lidhur me filmin ?Lulëkuqe mbi murë? ku u tha se ?Krisma nuk ka patur. Suloja ra nga avllia dhe vdiq”. Për këtë arsye, ai shprehet: Po mire, ja une jam Suloja, po im bir kush eshte? Sepse shenja kemi te dy??

Bamllari shprehet se po e merr të mirëqenë deklaratën e policisë ku thuhej se ai ishte rrëzuar, por ngre pyetjen se kush e dhunoi djalin e tij.

Statusi i tij në rrjetet sociale

Mire une jam Suloja, po im bir kush eshte? Lexova neper portale lajmesh qe Ministria e Brendshme kishte dale me nje deklarate shtypi per rastin tim dhe te tim biri. Deklarata thoshte qe ne u rrezuam ne vrapim e siper per t’iu shmangur policise dhe u lenduam nga gjuri. Nuk doja fare te merresha me kete histori, por pashe qe disa kane dyshime dhe doja vetem t’iu kujtoja Sulon, personazhin e filmit “Lulekuqe mbi mure”. Ashtu thane dhe per te: “Krisma nuk ka patur. Suloja ra nga avllia dhe vdiq”. Po mire, ja une jam Suloja, po im bir kush eshte? Sepse shenja kemi te dy? Apo meqe jemi bab e bir ne rrezohemi njekohesisht nga avllia se keshtu do Ministria. Dhe tjetra, ne u larguam sepse s’kishim bere asnje gje. Makinen qe deshen e lame aty. I kerkuam mirekuptim policise ne menyre qytetare dhe per te, por nuk e gjetem. Cfare duhet te benim me shume? Te pranonim c’i hipte ne koke qerosit? Une i argumentoja qe ne gjendjen psikologjike te tim biri nuk eshte e drejte qe ai te drejtoje makinen drejt pikes se bllokimit, ai thoshte: Jo vetem qe do ta sjelle ai, por do ta shoqeroj edhe ne komisariat. E pse? Po sikur im bir te bente nje aksident nen presion apo te pesonte dicka tjeter nga injoranca dhe egoja e qerosit, kush mbante pergjegjesi? Pae keshtu funksionon policia? Dua une dhe pike? Po ligji ku eshte? Apo te argumentosh, te arsyetosh do te thote te kundershtosh? Per me teper u them njerezve qe shumica e policeve aty, pervec nja dy servileve, mblidhnin buzet me masat ekstreme te shefit te tyre. Ju siguroj, gjithashtu, qe nuk kam bere asnje gje jashte etikes qytetare. Nese mund te quhet gabim se i thashe qe sjellja jote i ngjan sjelljes se nje fashisti, per kete le te me denojne sa te duan. Nese eshte gabim qe kam mbrojtur djalin tim te pafjale per te mos provuar pa asnje shkak birrucen e komisariatit, le te me denojne edhe per kete. Kush mendon se jashte shtetit policia te merr “gjak ne vetull” e ka gabim. Jashte shtetit policia ka arsye, fatkeqesisht ketu te ne njeh vetem dajakun.