web counter
LEXO PA REKLAMA!

SHKARKO APP

App Store
Google Play

Paligjshmëria/ Arrestohen 7 persona, shpallen në kërkim 6 të tjerë

27 Qershor 2016, 08:55, Aktualitet CNA

Strukturat e Policisë së Shtetit kanë vijuar punën për ?Parandalimin dhe goditjen e veprimtarisë së paligjshme? , konkretisht në parandalimin dhe goditjen e vjedhjes së energjisë elektrike, në  parandalimin  e ndërtimeve të paligjshme, prerjen e paligjshme të pyjeve, si dhe  organizimin e lotarive të palejuara.

Në drejtim të parandalimit dhe goditjes së vjedhjes së energjisë elektrike gjatë kësaj jave në të gjithë vendit kanë vepruar në terren 80 grupe të përbashkëta POLICI-OSHEE.  Janë kryer 2.654 kontrolle në terren. Gjatë kontrolleve u  evidentuan 20 raste të vjedhjes së energjisë elektrike, me 20 autorë.

Nga këta, 5 autorë  janë arrestuar në flagrancë, 3 autorë  janë shpallur në kërkim dhe 12 autorë ndiqen në gjendje të lirë.

Në fushën e ndërtimeve të paligjshme , nga ana e Strukturave të Policisë së Shtetit në të gjithë vendin janë evidentuar 13 raste të ndërtimeve pa leje.

Për këto raste janë evidentuar dhe proceduar 13 autorë nga të cilët, 2 autorë janë arrestuar në flagrancë, 3 autorë  janë shpallur në kërkim, ndërsa 8 autorë ndiqen në gjendje të lirë.

Në kuadër të masave për parandalimin e prerjeve të paligjshme të pyjeve, gjatë kësaj periudhe në të gjithë vendin janë evidentuar 5 raste me 5 autorë, të cilët ndiqen në gjendje të lirë.

Ndërsa në fushën e organizimit të lotarive të palejuara, Policia e Shtetit  ka evidentuar 4 raste me 4 autorë, të cilët ndiqen në gjendje të lirë.

Edhe në javët në vazhdim , Strukturat e Policisë së Shtetit do vijojnë punën për parandalimin dhe goditjen e veprimtarisë së paligjshme.





Lajmet e fundit nga