web counter
LEXO PA REKLAMA!

SHKARKO APP

App Store
Google Play

“Drejtësia”/ Letra e 3 kongresmenëve të SHBA: Zbatoni rekomandimin 88

27 Qershor 2016, 06:56, Aktualitet CNA

Tre kongresmenë amerikanë i kanë dërguar një letër Sekretarit të Shtetit, John Kerry, ku i kërkojnë që të nxitet konsensusi për Reformën në Drejtësi në Shqipëri. Sipas tyre, palët politike janë shumë pranë arritjes të konsensusit, por ata theksojnë se marrëveshja duhet të kryhet duke zbatuar rekomandimin 88 të Venecias.

Kongresmenët amerikanë mbështesin opozitën shqitpare, e cila kërkon zbatimin e rekomandimit 88 të Venecias si kusht për të miratuar Reformën në Drejtësi.

KONGRESI I SHTETEVE TË BASHKUARA 24 qershor 2016

Të nderuarit John Kerry, Sekretar i Shtetit

I dashur Sekretari Kerry,

Ju shkruajmë me shqetësimin se vendimet e drejta dhe të pavarura të gjyqësorit në Shqipëri vazhdojnë të kërcënohen, dhe për të kërkuar mbështetjen tuaj për përpjekjet në vazhdim për të arritur konsensus mbi reformat e propozuara.

Reforma në Drejtësi nevojitet për të siguruar një gjyqësor të pavarur dhe një proces gjyqësor të hapur dhe të argumentuar që mund të shërbejë edhe për të përshpejtuar procesin e integrimit të Shqipërisë në Bashkimin Europian. Komisioni i Venecias ka paraqitur rekomandimet finale për Reformën në Drejtësi dhe liderët politikë nga të dyja palët politike i kanë mirëpritur këto rekomandime si një produkt konsensual.

Ne besojmë se liderët politikë janë afër një marrëveshjeje mbi rekomandimet e Komisionit të Venecias dhe në mënyrë më specifike Rekomandimi 88, i cili përbën bazën e zgjidhjes kur liderët politikë janë në një pikë ku nuk bien dakord. Që Reforma në Drejtësi të përfundojë, duhet garantuar adoptimi i këtij rekomandimi në Kushtetutën e Shqipërisë dhe zbatimi i tij.

Ne ju nxisim që të punoni me qeverinë e Shqipërisë që të vazhdojë përkushtimin ndaj Reformës në Drejtësi.

Marrëdhënia mes Shteteve të Bashkuara dhe Shqipërisë dhe interesi ynë i përbashkët për sigurinë e lirinë është i një rëndësie domethënëse në planin rajonal dhe global.

Me shumë respekt,

David Jolly

Robert Aderholt

Dana Rohrabacher





Lajmet e fundit nga