Shënim dhe fakte/ Kur policia bëhet vetë krimi

26 Qershor 2016, 21:00, Aktualitet CNA

Askush nuk do ta besojë, që institucioni që paguhet me taksat e qytetarëve per ti mbrojtur nga krimi, të bëhet vetë krimi. E pabesueshme por e vërtetë, policia në një rast flagrant në Korçë është krimi vetë në të gjitha aspektet e tij.

Një incident ka ndodhur me një kontigjent të policisë, ai tenton të ikë, një polic rrëzohet, kontigjenti shoqërohet në polici. Një njoftim zyrtar i policisë thotë se u arrestua shtetasi Jurxhin Kulla sepse kundërshtoi policinë në ambjentet e komisaritatit. Në fakt vetë dhunuesi një shef sektori antidroge, Buis Hysi deklaronte se e kishte rrahur për vetëmbrojtje. Por në të vërtetë, rezulton se policia e ka torturuar personin ne prani të të paktën 7 uniformave blu. Torturuesit janë dy drejtues të larte të saj në Qarkun e Korcës. Një prej uniformave i ka deklaruar kolegut të tij ?boll se e mbyte fare?, përgjigjia e Alfred Nomanit shefit të krimit të organizuar ka qene: ?Mbylle gojën apo do të të futem ty?. Pra kemi një krim jo vetëm për shkak të torturimit por edhe të bashkëpunimit.

Një tjetër krim është fshehja e të vërtetës dhe tentative për të manipuluar ngjarjen nga policia e Korçës e cila është përfshirë në një skandal dhune dhe torture mbi të shoqëruarit. Së fundi një tjetër akt kriminal është mbrojtja që po i bëhet zyrtarisht krimit. Polica zyrtarisht në mbremje dërgoi një njoftim për dhunën mbi qytetarët, në rastin e Korçës theksonte aktivitetin kriminal të viktimes, ndalimet dhe dënimet e tij për shitje droge. Në asnjë rrjesht në asnjë fjalë nuk flitej për torturën ndaj tij. Asnjë media në asnjë rast nuk ka mbrojtur një kriminel, asnjë parti në asnjë rast ska mbrojtur trafikantin, por reagimi ka qenë për shkak të torturës nga ana e policisë dhe fshehjes së saj. Veprimi i fundit për të publikuar si të inkriminuar viktimën pa dhënë asnjë sqarim është një tjetër akt kriminal i policisë. Në rast se një person i shoqëruar ka kryer një vepër penale atë e dënon gjykata jo torturat e disa oficerëve të veshur jo me uniforme policie por me uniform krimi. Këta element janë totalisht pa asnjë diskutim krimi në policinë e shtetit, janë ata që e turpërojnë dhe e ç?nderojnë atë.

Tortura, mbrojtja,fshehja dhe manipulimi i një akti kriminal siç është tortura, është një akt që po e bën policinë vetë krimin e momentit në Korçë. Një krim që nuk duhet torturuar sic vepruan disa banditë me uniformë por duhet ndërshkuar pa asnjë mëdyshje nga vetë Ministria e Brenshme dhe Policia e Shtetit, çdo qëndrim i tyre pro këtij akti thjesht i inkriminon edhe më shumë./citynews