web counter
LEXO PA REKLAMA!

SHKARKO APP

App Store
Google Play

E fundit!

x

President nga Populli/ Hafizi i përgjigjet Mesila Dodës: Opinioni nuk është nismë për ndryshime kushtetuese

27 Qershor 2016, 11:49, Aktualitet CNA

Deputetja Mimoza Hafizi është përgjigjur menjëherë pas deklaratave të deputetes së PDIU-së, Mesila Doda, e cila tha se ajo dhe deputeti Ben Blushi kanë kopjuar PDIU-në për propozimin për të zgjedhur presidentin nga populli, pasi kjo parti e kishte propozuar këtë 6 muaj më parë.

Përmes një postimi në rrjetet sociale, Hafizi shpreht se ajo që kanë dorëzuar deputetët e PDIU-së ishte vetëm një opinion dhe nuk mund të quhet nismë për ndryshimet kushtetues.

?Jam njohur me opinionin e PDIU për ndryshime kushtetuese dorëzuar pranë Komisionit të Reformës për Drejtësi. Por një opinion nuk mund të quhet nismë për ndryshime kushtetuese. Ai opinion nuk do të ketë anjëherë vijim në procedura, nëse nuk merr formën e një projektligji dhe nëse nuk kërkohet mbështetja e deputetëve të tjerë të parlamentit?, shkruan Hafizi

Më tej, Hafizi shprehet se propozimi i sotëm është i ndryshëm nga ai i PDIU-së pasi sipas saj, në propozimin i mëparshëm kërkohej që populli të zgjidhte presidentin atëherë kur parlamenti nuk realizon votimin me 3/5.

?Prandaj kam komunikuar me deputetë të kësaj force politike, me shpresë që të bashkojmë firmat dhe votat për të realizuar bashkërisht kërkesën për zgjedhjen e presidentit nga populli. Versioni i tyre ishte i ndryshëm nga ai çfarë ne propozojmë, sepse kërkohej që t?i drejtohemi popullit atëhere kur parlamenti nuk realizon votimin me 3/5. Por mendoj se kjo nuk është pengesë themelore.

Besoj se jo vetëm me grupin e PDIU, por me të gjitha grupet parlamentare do konvergjohet për të shkuar në atë çfarë është shumë e rëndësishme për demokracinë sot: zgjedhjen e Presidentit të Republikës nga populli.?, përfundon ajo





Lajmet e fundit nga