web counter
LEXO PA REKLAMA!

SHKARKO APP

App Store
Google Play

E fundit!

x

Egjiptiani ultimatum pronarit të anijes: Brenda orës 20:00 dua 70 mijë euro ose do djeg anijen

27 Qershor 2016, 14:37, Aktualitet CNA

Në mënyrë demonstrative ai ka djegur diçka brenda anijes si paralajmërim se nëse nuk dërgon shumën e kërkuar do të djegë tërë anijen, raporton Ora News.

Disa ditë nga pengmarrja, vijon të jetë e zhdukur  dhe e mbushur me mister cështja e anijes së peshkimit ?Celepia 2?.

Pronari i anijes ka njoftuar se ka arritur të flasë në telefon me Luan Memën, një prej peshkatarëve te rrëmbyer nga kolegu i tyre egjiptian, i cili i ka kërkuar ndihmë, nëpërmjet telefonit të Adel Muhamed Salam. Egjiptiani e ka lejuar 36-vjeçarin vetëm të thoshte se ishte në gjendje të mirë shëndetësore dhe ta ndihmonin, ndersa nuk ka dhënë asnjë informacion për kapitenin Dhimitër Malaj.

Më pas egjiptiani i është rikthyer sërish kërkesës për 70 mije euro në këmbim të lirimit të Memës.

Në lidhje me fatin e peshkatarit tjetër shqiptar Dhimitër Malaj, Salam ka pohuar se kapitenin e ka liruar tre ditë me parë, duke e nisur me një anije greke nga brigjet egjiptiane.

Gjate komunikimit që ka pasur me pronarin e Celepia 2, egjiptiani ka deklaruar se nuk kishte problem nëse i lokalizohet vendndodhja , pasi ka nën kontroll autoritetet egjiptiane.

Adel Muamed Salam, peshkatari egjiptian mori përsipër rrëmbimin e anijes ?Celepia 2?, rreth 6 ditë më parë, ndërkohë që burime në portin e Durrësit pohojnë se 30 vjecari njihet si person i dyshimtë nga kolegët dhe bashkëqytetarët e tij, për mënyrën e jetesës dhe lidhjet me persona me prirje kriminale.

Peshkarexha u rrëmbye më datë 22 qershor, kur anija e peshkimit u largua nga porti i Durrësit për në det të hapur, duke humbur kontaktet më pas.





Lajmet e fundit nga