web counter
LEXO PA REKLAMA!

SHKARKO APP

App Store
Google Play

Ylli Rakipi: Dhëndri i një autoriteti të lartë në PS ka marrë lekët e Bankës Botërore/ Lubonja: Është i Gramoz Ruçit

9 Qershor 2016, 21:12, Aktualitet CNA

Moderatori i emisionit “Të paekspozuarit”, Ylli Rakipi ka deklaruar mbrëmjen e sotme se dhëndri i një autoriteti të lartë të PS-së ka marrë lekët e Bankës Botërore. Në programin ku kishte të ftuar deputetin Ben Blushi, Rakipi tha se Kryeministri Edi Rama ka marrë paratë e Bankës Botërore dhe të OBSH-së, dhe ia ka dhënë privatit, i cili është dhëndri i një autoriteti të rëndësishëm në PS.

Rakipi nuk tha emrin e autoritetit të lartë në PS, ndërsa analisti Fatos Lubonja shtoi se bëhet fjalë për dhëndrin e Gramoz Ruçit.

Pjesë nga debati

Rakipi: Ndërhyrja e perëndimorëve në reformën në drejtësi, ka krijuar një perceptim se duhet të penalizohet Sali Berisha dhe Ilir Meta. Para dy ditësh, unë shikoja kryeministrin Rama që kishte shkuar te Spitali ?Nënë Tereza? dhe po promovonte një PPP, siç i thoshte ai. Qendra në spital është ndërtuar nga paratë e Bankës Botërore dhe të OBSH-së. Në shëndetësi janë koncesionuar mbi 500 milionë euro. Kryeministri ka marrë paratë e Bankës Botërore dhe të OBSH-së, zoti Blushi, dhe ia ka dhënë privatit, i cili është dhëndri i një autoriteti të rëndësishëm në PS.

Lubonja: I Gramoz Ruçit.

Rakipi: Nuk e di. Dhe, kryeministri thotë se injorantët kanë dalë kundër dhe në publik dhe na thotë të gjithëve ?ja ku e keni?. Atë nuk e ka ndërtuar ai, ato janë para të marra nga Banka Botërore.

A duhet tu themi ne këtyre perëndimorëve që e duan këtë reformë, se çfarë po ndodh sot në Shqipëri?

Blushi: Perëndimorët na ndihmojnë të krijojmë një sistem që funksionon. S?mund të marrin vendime në emrin tonë.

Rakipi: Që të koncesionohet i gjithë vendi dhe paratë të përfundojnë në xhepat e pesë njerëzve. Këtë duhet ta dimë nga ty zoti Blushi. Përderisa ndërkombëtarët kanë hyrë kaq thellë, duhet të thonë se kush po vjedh sot në Shqipëri.





Lajmet e fundit nga