web counter
LEXO PA REKLAMA!

SHKARKO APP

App Store
Google Play

E fundit!

x

Blushi: "Rilindasit" do vijojnë të rrëzohen

9 Qershor 2016, 19:44, Aktualitet CNA

Deputeti socialist Ben Blushi ka deklaruar se ?rilindasit? do të vijojnë të rrëzohen, duke iu referuar të zgjedhurve socialistë të cilët po bëhen subjekte të ligjit të dekriminalizimit, ndërsa shtoi se momentalisht 10 përqind e bashkive kanë rënë.

I ftuar në emisionin ?Të paekspozuarit?, Blushi u shpreh se janë të shumtë ata që nuk gjejnë arsye për të votuar, për shkak të mosbesimit që ka krijuar klasa politike në vend. ?Qenia njerëzore në përgjithësi është grabitqare nga natyra dhe kërkon të marrë diçka që nuk e ka, ose që nuk e arrin dot, e merr me forcë, me dhunë, me hile, me mashtrime.? tha Blushi në Ora News.

Blushi theksoi se ka një fenomen mosndëshkueshmërie që ka shkatërruar shpresën e qytetarëve. ?Po pse kanë lindur shtetet? Janë për të disiplinuar marrëdhëniet njerëzore, për ti kufizuar raportet mes meje dhe teje. Pse arritëm ne në këtë pikë, pas 25 vitesh? Për shkak të etjes për përfitim të paligjshëm, të kujto që ka pasur një detyrë publike, nga më i thjeshti deri tek Presidenti dhe për shkak të mosndëshkueshmërisë. Askush nuk është ndëshkuar. Këtu ndëshkohesh me votë, por kjo nuk mjafton. Duhet të ndëshkohesh me ligj. Pra ti, bën një reformë që nuk ka sukses, vjen populli pas një apo dy mandatesh, dhe të heq. Ka një vakum elektoral nga 1, deri në 25-30 përqind, të cilët ndoshta sot, nuk do të votojnë asnjë nga tre partitë e mëdha. Kjo është situata sot në Shqipëri, si do të shkojmë drejt një sistemi, i cili garanton mbajtjen e premtimeve që jep.? vijoi më tej Blushi./citynews





Lajmet e fundit nga