web counter
LEXO PA REKLAMA!

SHKARKO APP

App Store
Google Play

E fundit!

x

Sekuestro e tokës në Himarë/ Arrestohet një person, në kërkim juristi

9 Qershor 2016, 18:09, Aktualitet CNA

Policia e Vlorës ka arrestuar një tjetër persona në lidhje me sekuestron e 33 hektarëve tokë në zonën e Himarës si dhe ka shpallur në kërkim ish-juristin pranë ZVRPP Vlorë.

Burime nga policia thanë se shtetasi i arrestuar është Lefter Gjergji, 57 vjeç, banues në Himarë ndërsa është shpallur në kërkim shtetasi A.Sh., 28 vjeç, banues në Vlorë, me detyrë Ish-Jurist pranë ZVRPP Vlorë.

Më datë 10.05.2016, Policia e Vlorës në bashkëpunim me Prokurorinë pranë Gjykatës së Shkallës së Parë Vlorë, në kuadër të procedimit penal nr.414/2016, regjistruar për veprat penale “Falsifikimi i dokumentave” dhe “Pastrimi i produkteve të veprën penale apo veprimtarisë kriminale”, kanë berë të mundur dokumentimin e plotë ligjor dhe vendosjen e masës së sigurimit pasuror “Sekuestro Preventive”, mbi bazën e të cilit është sekuestruar një sipërfaqe toke prej 33 HA (tridhjetë e tre hektarë tokë) në vendin e quajtur “Dhrale Adhendra” Palasë, Himarë, të falsifikuara nga Lefter Gjergji si pronë e tij, ndihmuar nga Ish-Juristi A.Sh.

Mbi bazën e informacioneve të marra në rrugë operative, ka rezultuar se Lefter Gjergji, nëpërmjet dokumentave të falsifikuara ka regjistruar pranë ZVRPP Vlorë, pronën e lartpërmendur, e cila kap vlerën e 33 Milion Euro-ve.

Policia po punon për kapjen dhe arrestimin e Ish-Juristit A.Sh.





Lajmet e fundit nga