Nga Kastriot Myftaraj/ Qeveritë e Shqipërisë dhe Kosovës vlejnë financiarisht sa “Reali” i Madridit dhe “Barcelona”

9 Qershor 2016, 21:03, Aktualitet CNA

Me rastin që u mbajt mbledhja e përbashkët e dy qeverive, asaj të Shqipërisë dhe asaj të Kosovës, në Prishtinë, në 3 tetor, anëtarët e Qeverisë së Shqipërisë udhëtuan për një Prishtinë me autobus. Me këtë rast Ministrja e Mbrojtjes Mimi Kodheli vërejti se do të ishte më mirë që qeveria të mos udhëtonte e gjitha në një autobus, por e ndarë në dy automjete, sepse në rast aksidenti automobilistik, do të ishte një humbje e madhe për Shqipërinë që të humbte krejt anëtarët e Qeverisë.
Ministri i Mjedisit Lefter Koka, një njohës i madh i futbollit e kundërshtoi duke thënë se Reali i Madridit vlente 3.6 miliard euro, por megjithatë të gjithë lojtarët e tij udhëtonin në të njëjtin autobus.
Arsyetimi i Ministrit Koka u gjet i vlefshëm dhe u vendos aty për aty me një vendim informal të Këshillit të Ministrave, që meqënëse lojtarët e Realit të Madridit udhëtojnë në të njëjtin autobus, këtë gjë mund ta bëjnë edhe anëtarët e Qeverisë Shqiptare.
Në Kosovë, pas mbledhjes së dy qeverive, ishte menduar që anëtarët e Qeverisë së Kosovës, të udhëtonin në kthim me autobusin e Qeverisë Shqiptare, për t? i përcjellë deri në Prizren, ku do të kishte dhe një darkë të përbashkët.
Por kjo pjesë e agjendës u anulua sepse Ministri Koka tha se kjo do të ishte si të udhëtonin në të njëjtin autobus ?Reali? i Madridit dhe ?Barcelona?, gjë që nuk ndodh kurrë. Duke qenë se klubi ?Barcelona? vlen 3.2 miliard euro, dhe të dy bashkë vlejnë 6.8 miliard euro, do të ishte një humbje shumë e madhe nëse autobusi me të cilin udhëtonin lojtarët e këtyre klubeve do të pësonte një aksident automobilistik. Do të ishte pra një humbje shumë e madhe për kombin shqiptar nëse humbte në një ditë, për shkak të një aksidenti automobilistik, anëtarët e dy qeverive, të Shqipërisë dhe Kosovës.
Kjo shaka të nxit të pyesësh se sa është vlera në euro e dy qeverive, asaj të Tiranës dhe asaj të Prishtinës, sa i përket pasurisë së vënë prej tyre abuzivisht, duke shpërdoruar pushtetin. Nëse për qeveritarët e sotëm të Tiranës dhe Prishtinës llogaria bëhet jo vetëm me pasurinë që kanë bërë deri më sot duke shpërdoruar pushtetin, por edhe atë që do të bëjnë në të ardhmen deri në përfundim të mandatit të tyre, atëherë nuk është e pamundur që në përfundim të karrierës politike, ?klubi? qeveritar i Tiranës të vlejë sa ?Reali? i Madridit dhe ?klubi? qeveritar i Prishtinës të vlejë sa ?Barcelona?.
Nëse ju duket e tepruar shikojeni nga kjo pikëpamje: Klubet e mëdhenj të përmendur më lart, kanë si pjesë të vlerës së tyre edhe kontratat për shitje të imazhit dhe suvenireve, në vlera të mëdha. Qeveritë e Tiranës dhe Prishtinës kanë kontrata të tilla me të cilat shesin pasuri të Shqipërisë dhe Kosovës, në mënyra të ndryshme, që nga shitja e drejtpërdrejtë te koncesionet Nga këta veprime qeveritarët e Tiranës dhe Prishtinës përfitojnë abuzivisht nën dorë. Nëse i llogarisim edhe këto kontrata si pjesë të ?vlerës? së tyre abuzive, ndoshta ia kalojnë edhe vlerës së dy klubeve të sipërpërmendur.