web counter
LEXO PA REKLAMA!

SHKARKO APP

App Store
Google Play

Tahiri në panik nga hetimet e prokurorisë/ Skandali i përgjimeve rrezikon rënien e qeverisë

9 Qershor 2016, 06:27, Aktualitet CNA

Përfshirja e ministrit Saimir Tahiri në skandalin e përgjimeve, duket se po çon qeverinë drejt rrëzimit. Pas pezullimit të Haki Çakos nga detyra dhe vendosjen nën arrest të dy vartësve të tij, prokuroria ka ngjallur panik te ministri dhe në radhët e qeverisë, pasi ka dyshime se në këtë skandal është i përfshirë dhe vetë Tahiri. Nëse vërtetohet kjo, atëherë qeveria do të rrëzohet, raporton “Sot”.

Prej dy ditësh, Tahiri ka lëshuar akuza shumë të forta ndaj prokurorisë dhe gjyqësorit, teksa dje kritikoi edhe unionin e gjyqtarëve dhe të prokurorëve. Ajo që dukej qartë në deklaratat e tij ishte se ministri është trembur jashtë mase, kjo për faktin se prokuroria po siguron prova shumë të forta që mund të implikojnë dhe atë. Në skandalin e përgjimeve dyshohet të jetë përfshirë edhe Saimir Tahiri, i cili ka vënë në përgjim përfaqësues brenda PS, por dhe kundërshtarë të tij, përfshirë dhe ministrat Arben Ahmetaj e Damian Gjiknuri, si dhe kryebashkiakun e Tiranës, Erjon Veliaj.

Faktet janë se kjo pajisje është përdorur si një lodër nga ministri, për të pasur në kontroll gjithë politikën, por gjithçka e bërë në shkelje të ligjit. Të gjitha gjurmët të çojnë te Saimir Tahiri dhe e vetmja rrugë që mund të shpëtojë qeverinë tani është dorëheqja e tij, vijon e përditshmja “Sot”. Të martën, ai tentoi të ironizonte pajisjen me një banderolë në Sheshin ?Nënë Tereza?, mirëpo doli e kundërta. Por ajo që bie në sy është se në mbështetje të Tahirit ka dalë dhe kryeministri Edi Rama, duke faktuar se dhe ai mund të ketë gisht në përgjime. Dyshimet janë se Tahiri çdo mëngjes i dërgonte Ramës transkriptet e bisedave dhe deklaratat e djeshme të kryeministrit ndaj gjyqtarëve duket se e faktojnë këtë gjë. Paniku i qeverisë tregon se prokuroria ka prova të forta ndaj tyre dhe nëse Tahiri nuk dorëhiqet, rreziku për rrëzimin e qeverisë është shumë i madh.





Lajmet e fundit nga