E fundit!

10:33 Aktualitet

SPAK hap thirrjen për 40 hetues të rinj në BKH/ Braho: Hetimet moderne kërkojnë kapacitete të reja

Kreu i SPAK, Klodjan Braho, deklaroi se Prokuroria e Posaç...

Akuzat e Tahirit/ Reagon Gjykata e Tiranës: Ja pse u caktua Arjan Aliaj për gjykimin e çështjes

8 Qershor 2016, 21:09, Aktualitet CNA

Gjykata e Tiranës ka reaguar pas akuzave të artikuluara mbrëmjen e sotme nga Ministri i Brendshëm, Saimir Tahiri për gjyqtarin Arjan Aliaj. Ky i fundit, sipas Tahirit, ishte paravendosur për të pezulluar nga detyra Haki Çakon.

Në reagimin zyrtar të shpërndarë për mediat, Gjykata e Tiranës ka sqaruar se pse çështja në fjalë është gjykuar nga Arjan Aliaj. Në deklaratën e Gjykatës thuhet se fillimisht ishte caktuar gjyqtari Adriatik Bocaj, por ai ka paraqitur kërkesë për përjashtim nga masat e sigurimit për arsye shëndetësore të familjarit të tij.

Reagimi i Gjykatës së Tiranës

Duke marrë shkak nga pyetjet publike të ngritura nga Ministri Tahiri lidhur me procedurat e caktimit të gjyqtarit Arjan Aliaj në gatishmërinë për të shqyrtuar kërkesat në fazën e hetimeve paraprake, Kryetari i Gjykatës së Rrethit Gjyqësor Tiranë sqaron opinionin publik si vijon. Bazuar në nenin 18 të Ligjit Nr. 9877 datë 18.02.2008 ?Për Organizimin e Pushtetit Gjyqësor në Republikën e Shqipërisë? dhe Vendimit Nr. 238/1/a datë 24.12.2008 ?Për procedurat e ndarjes me short të çështjeve gjyqësore? (neni 1 paragrafi 2) të Këshillit të Lartë të Drejtësisë kërkesat penale gjatë hetimeve paraprake nuk i nënshtrohen shortit por gjykohen nga gjyqtari i gatshëm i caktuar me Urdhër të Kryetarit të Gjykatës sipas planifikimit. Edhe masat e sigurimit te dhëna nga gjyqtari A.Aliaj me datë 06.06.2016 ndaj shtetasve H. Çako, A. Duka dhe E. Xhelilaj në aspektin procedurial klasifikohen si kërkesa penale të paraqitura nga Prokuroria gjatë fazës së hetimeve paraprake. Në kuadër të transparencës së plotë me publikun dhe Institucionet shtetërore sqarojme se në kalendarin e planifikimeve të gjyqtarëve të gatshëm për muajin Qershor 2016 (të përpiluar në datën e 31 Maj 2016) gjyqtari i planifikuar për të zhvilluar masat e sigurimit për datën 06.06.2016 e ka qenë gjyqtari Adriatik Bocaj. Por në mëngjesin e datës 06.06.2016 ora 08.15 min gjyqtari Adriatik Bocaj ka paraqitur një kërkesë drejtuar Kryetarit të Gjykatës ku kërkonte përjashtimin nga masat e sigurimit për arsye serioze shëndetësore të familjarit të tij. Ky gjyqtar ka venë në dijeni me shkrim Kryetarin e Gjykatës për pamundësinë për të qenë prezent në detyrë për shkak se duhet të ishte prezent në ndërhyrjen kirurgjikale në kokë të vëllait të tij dhe planifikonte që të mos jetë në gjykatë edhe në datat 07 dhe 08 Qershor. Në këto kushte brenda të gjitha kompetencave dhe detyrimeve ligjore nga Kryetari i Gjykatës janë marrë masat për zëvendësimin e këtij gjyqtari me gjyqtarin Arjan Aliaj me urdhrin Nr. 8406 dt. 06.06.2016 ku arsyet e zëvendësimit janë cituar në këtë urdhër dhe bashkëngjitur ka dhe kërkesën e bërë nga gjyqtari A.Bocaj. Theksojmë se ky zëvendësim i bërë brenda të gjithë kompetencave dhe detyrimeve që ligji i ngarkon Kryetarit të Gjykatës është bërë përpara se të paraqiteshin kërkesat e Prokurorisë për masat e sigurimit për punonjësit e policisë të paraqitura disa orë më vonë.