E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Sulmet ndaj gjyqtarit Aliaj/ Reagon KLD: Reforma që kërkon Rama, vetëm fasadë e dalë boje

8 Qershor 2016, 20:35, Aktualitet CNA

Këshilli i Lartë i Drejtësisë ka reaguar lidhur me sulmet e bëra sot nga Kryeministri Edi Rama dhe Ministri i Brendshëm Saimir Tahiri ndaj gjyqtarit Arjan Aliaj, i cili vendosi pezullimin e Haki Çakos nga posti i Drejtorit të Përgjithshëm të Policisë së Shtetit.

Në deklaratë e shpërndarë për mediat, KLD thekson se kryeministri dhe ministri i Brendshëm përdorën një arsenal të padenjë fjalësh ndaj një gjyqtari, ndërsa e cilëson Reformën në Drejtësi të kërkuar nga Rama si thjesht fasadë e dalë boje.

?Deklarimet të tilla, të përcjella me një intensitet të tillë, në një moment të papërshtatshëm, për stadin në të cilën është procesi i miratimit të Reformës në Sistemin e Drejtësisë, jep mesazhin, përkundër pritshmërive, që kjo reformë mund të jetë vetëm një fasadë e dalë boje. Sjellja e sotme tregon qartë, se në të parin moment, që përfaqësues apo eksponentë të qeverisë u ?atakuan? nga një vendim gjykate, i cili për më tepër është i ankimueshëm, u kalua në një turravrap përdhosjesh, poshtërimesh dhe kërcënimesh, ç?ka të ul pritshmërinë se Reforma në Drejtësi po kërkohet me aq ngulm, jo për nevojën që ka sistemi i drejtësisë me brishtësinë e tij për konsolidim, por për të kontrolluar politikisht këtë sistem?, thuhet në reagim.

Këshilli i Lartë i Drejtësisë i kërkon Kryeministrit të vendit dhe funksionarëve të lartë që të ndalojnë menjëherë kërcënimet dhe presionin ndaj organeve të drejtësisë.

?Këshilli i Lartë i Drejtësisë, kërkon nga trupa gjyqësore të vijojë veprimtarinë e saj, duke mos u ndikuar nga asnjë lloj ndërhyrje dhe kërcënimi në ushtrimin e detyrës, duke garantuar kështu funksionimin e shtetit të së drejtës, ashtu si dhe duke patur në fokus të punës, respektimin e procesit të drejtë gjyqësor, dhe garantimin kurdoherë të një transparence dhe përgjegjshmërie maksimale në përmbushjen e detyrave?, thuhet në reagim.