web counter
LEXO PA REKLAMA!

SHKARKO APP

App Store
Google Play

Biznesi, protesta dhe greva urie nëse nuk shfuqizohen taksat e larta

8 Qershor 2016, 20:26, Aktualitet CNA

Kryetari i Shoqatës për Mbrojtjen e Tregtarëve, Nikollaq Neranxi ka paralajmëruar protesta të vazhdueshme dhe grava urie nëse gjykata nuk shfuqizon taksat e larta. Përmes një postimi në rrjetet sociale, Neranxi bën me dije se nëse do vijojë zvarritja e dhënies së vendimit në Gjykatë, do të vijohet me protesta masive të të gjithë biznesit. 

“Në cilësinë e Kryetarit të Shoqatës për Mbrojtjen e Tregtarëve, më vijnë mesazhe pa fund nga biznesi të cilët ankohen për taksat shumë të larta. Unë e kam zgjidhjen për to. Nëse me 13 qershor, kur kemi seancën, do vijojë zvarritja e dhënies së vendimit në Gjykatë, ku ne si Shoqatë e kemi çuar paketën e taksave vendore për tu shfuqizuar, unë propozoj të mos paguani asnjë taksë si dhe të fillojmë protesta masive të të gjithë biznesit. Pushteti qendror dhe ai vendor, na dënoi me taksa falimentuese, ndërsa ne do i tregojmë rezistencën dhe vendosmërinë tonë. Të ulim të gjithë qepenat dhe të fillojmë protestat, madje edhe grevë urie. Unë me familjen time do të jem para kryeministrisë dhe bashkise. Jam i vendosur, sepse e di që askush nuk të dhuron asgjë, duhet t’i fitojmë vetë!” shprehet Neranxi. 

 





Lajmet e fundit nga