web counter
LEXO PA REKLAMA!

SHKARKO APP

App Store
Google Play

Artan Hoxha: Ilir Meta hoqi Haki Çakon

8 Qershor 2016, 17:35, Aktualitet CNA

Gazetari investigativ Artan Hoxha në mënyrë indirekte ka përfshirë Kryeparlamentarin Ilir Meta si personi që fshihet pas pezullimit të Haki Çakos nga posti i Drejtorit të Përgjithshëm të Policisë. Përmes një postimi në rrjetet sociale, Hoxha përmend largimin e Artan  Didit nga i njëjti pozicion që mbante Çako.

“Dhe vjen nje dite….
Ne foton e pare jane ish-drejtoret e Policise se Shtetit, Artan Didi dhe Haki Cako gjate aksionit policor ne Lazarat, qershor 2014, duke folur per median. Nga ajo dite vazhdojne te jene ne detyre vetem gazetaret qe mbajne mikrofonat…..
Dy vite me pas…
Artan Didi u largua nga detyra dhe shkoi drejt Amerikes si oficer kontakti i Policise Shqiptare.
Pasardhesi i tij, Haki Çako, u “shkarkua”(pezullua) nga detyra si marshalli Zhukov ne avion, pasi kishte udhetuar nga Amerika per ne Shqiperi, pas nje vizite pune.” shprehet gazetari Hoxha.

Ai thekson se detyra e Drejtorit të Përgjithshëm të Policisë së Shtetit është me rrezikshmëri të lartë. “Ja pra pse eshte me rrezikshmeri te larte te jesh ne detyren e Drejtorit te Pergjithshem te Policise se Shtetit!!! Mbase nuk e ke “koken ne torbe”, siç thote populli, por torben duhet ta kesh gjithnje gati qe te mos kapesh gafil kur te largojne nga detyra papritur….” shkruan Hoxha.

Gazetari e përfundon reagimin e tij duke shtuar se te vetmit qe e kane perballuar me sukses dhe pa probleme udhetimin e gjate me avion, Shqiperi-Amerike e kthim janë Ilir Meta dhe Anastas Angjeli. “Kohet e fundit, te vetmit qe e kane perballuar me sukses te plote dhe pa probleme udhetimin e gjate me avion, Shqiperi-Amerike e kthim, jane kryetari Kuvendit Ilir Meta dhe dashuria e tij e vjeter deputeti socialist Anastas Angjeli….” përfundon reagimin e tij gazetari investigativ Artan Hoxha.





Lajmet e fundit nga