web counter
LEXO PA REKLAMA!

SHKARKO APP

App Store
Google Play

Pas Tahirit edhe Rama sulmon gjyqtarin që pezulloi Çakon: Killer me pagesë, liroi 7 njerëz të dënuar

8 Qershor 2016, 12:37, Aktualitet CNA

Kryeministri Edi Rama, ka vijuar sulmet e nisura nga Ministri i Brendshëm, ndaj gjytarit Arjan Aliajm, i cili vendosi pezullimin nga detyra të Drejtorit të Përgjithshëm të Policisë, Haki Çako, në lidhje me skandalin e përgjimeve.

Përmes një postimi në rrjetet sociale, Rama akuzon gjyqtarin se është i zhytur thellë në kënetën e sistemit të drejtësisë dhe se është shkarkuar për korruspion dhe mospërmbushje të detyrës.

?Kush është gjykatësi që vendosi pezullimin e Drejtorit të Përgjithshëm të Policisë? Një personazh aq thellë i zhytur në kënetën e sistemit të drejtësisë sa vetë Këshili i Lartë i Kënetës e ka shkarkuar për korrupsion dhe mospërmbushje të detyrës!?, shkruan Rama

Më tej, Rama ashpërson gjuhën duke e quajtur gjyqtarin killer me pagesë ka liruar burgu të paktën 7 herë njerëz të dënuar për vepra të rënda penale. Kryeministri shprehet i habitur se si gjytari Aliaj është rikthyer në detyrë edhe pas këtyre vendimeve.

?Ky killer me pagesë apo me flamur partie i drejtësisë Ka liruar nga burgu të paktën 7 herë njerëz të dënuar për vepra të rënda penale; vrasje, përdhunime, grabitje me armë… Po si mundi të kthehet në detyrë ky lloj personazhi që me vendimet e tij kriminale arriti të verë në pozitë të vështirë edhe vetë sistemin e korruptuar të drejtësisë?! Kujt i duhej rikthimi nga i ndëshkuar në gjykatës i këtij shkelësi profesionist të ligjit, që ka dhënë të paktën 7 prova se çekiçin e drejtësisë e përdor për t’i shtypur kokën drejtësisë??, vijon Rama

Në fund, Rama shprehet se gjyqtari Aliaj u duhej atyre që sot nuk e duan Reformën në Drejtësi.

?Thjeshtësisht e hidhur është përgjigja: Ky derdimen pa din e as iman e rimori çekiçin në dorë sepse u duhej atyre që sot nuk e duan Reformën në Drejtësi, për të shtypur drejtësinë për hesap të interesave të tyre!?, përfundon kryeministri

 





Lajmet e fundit nga