Nga Kastriot Myftaraj/ Marrëveshja e madhe 60%-40% PS-LSI për financimin e zgjedhjeve të ardhshme të Megakanabisit

8 Qershor 2016, 11:48, Aktualitet CNA

Nëse zgjedhjet e vitit 2001 u quajtën të ?Dushkut? dhe ato të vitit 2005, të ?Megadushkut? për shkak të formulave të përdorura në sajë të ligjit zgjedhor të kohës, zgjedhjet e vitit 2017 pritet të jenë zgjedhjet e Megakanabisit.

Në kohën që bëhet shumë zhurmë për reformën në drejtësi, është arritur pa zhurmë marrëveshja politike sekrete mes dy partive kryesore në pushtet, PS-së dhe LSI-së për atë që mund të quhet reforma e kanabis sativës. Në kuadrin e kësaj skeme është bërë një marrëveshje e madhe politike PS LSI me të cilën është ndarë kjo veprimtari fitimprurëse në raportin 60% për PS-në dhe 40% për LSI-në. Secila parti ka të drejtë të kultivojë me militantët e saj sipërfaqen që i takon me këtë marrëveshje.

Sipas marrëveshjes, këtë vit është mbjellë aq shumë kanabis në të gjithë territorin e Shqipërisë sa është llogaritur edhe një sipërfaqe e madhe e mbjellë, për t? u shkatërruar, edhe kapja e sasive aq të mëdha nga Policia e Shtetit, sa të impresionohen të huajt. Dhe të huajt do të detyrohen të pranojnë në raportet e tyre se këtë vit është shkatërruar një sipërfaqe e mbjellë disa herë më e madhe se rekordi i periudhës së kaluar, si dhe është kapur një sasi disafish më e madhe. Secila parti duhet që brenda pjesës së saj, të përcaktojë çfarë është për t? u shkatërruar dhe çfarë është për t? u kapur, që të realizohet plani.

Me këtë rast, do të sakrifikohen kryesisht ata që janë larguar nga PD dhe kanë marrë tesera të LSI-së dhe PS-së. Por nuk përjashtohet mundësia e ?dëshmorëve? në luftën e brendshme PS-LSI, që kuptohet se do të jenë më shumë nga LSI, pasi Policinë e Shtetit e ka PS.

Gjithsesi është llogaritur që pasi të zbriten të ardhurat që do të marrin kultivuesit dhe trafikantët, në arkën e dy partive të mëdha të hynë rreth 1 miliard euro. Të ndara sipas marrëveshjes në raportin 60-40%, do t? i shkojnë rreth 600 milionë euro PS-së dhe rreth 400 milionë euro LSI-së. Këto para do të përdoren për fushatën në zgjedhjet e ardhshme, në kuptimin më të gjerë të fjalës. Domethënë do të përdoren për të blerë vota, komisionerë, për të sponsorizuar televizionet, gazetat, portalet në fushatë, për të blerë artikuj e emisione në gazetat e televizionet e huaja, si dhe për të blerë diplomatë të huaj, që të legjitimojnë zgjedhjet e blerta të vitit të ardhshëm.

Me rastin e zgjedhjeve do të ketë para për të gjithë, që nga votuesit e shitur, te analistët e ekraneve, gazetave dhe portaleve. Tregu është i hapur. Rezultati i zgjedhjeve do të jetë Narkodemokracia e përkryer shqiptare.

Opozita është në dijeni për këtë marrëveshje por çuditërisht hesht për të. Arsyeja? Narkomafia këtë vit është më e fortë se kurrë në Shqipëri, më me mbështetje politike se kurrë, dhe nëse pengohet, mund edhe të vrasë ndonjë politikan të lartë si ndëshkim. Nëse kjo është arsyeja e heshtjes së opozitës për këtë marrëveshje ky është një tjetër tregues se problemi është shumë serioz./ Shkruar ekskluzivisht për citynews