E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Deklaratat e Ramës dhe Tahirit/ Reagon Unioni i Prokurorëve: Kërkojmë që drejtësia të lihet e qetë

8 Qershor 2016, 14:31, Aktualitet CNA

Unioni Prokurorëve ka reaguar pas sulmeve të kryeministrit Edi Rama dhe ministrit Saimir Tahiri ndaj gjyqtarit Arjan Aliaj, i cili dha vendimin për të pezulluar nga detyra Drejtorin e Përgjithshëm të Policisë, Haki Çako.

?Klima e shantazhit dhe presionit publik ndaj prokurorëve dhe gjyqtarëve është jashtë logjikës së funksionimit normal të institucioneve shtetërore dhe kjo mënyrë komunikimi ndikon negativisht në luftën e përbashkët kundër kriminalitetit?, thuhet në reagim.

Prokurorët shprehen se janë të vetëdijshëm që detyra e tyre është e vështirë dhe për këtë arsye kanë kërkuar mbështetjen e shtetit shqiptar, të ndihmojë në kryerjen e detyrës pa shantazhuar në emër të Reformës në Drejtësi.

?Të vetëdijshëm se detyra e prokurorit ne Republikën e Shqipërisë është një detyre e vështirë, kërkojmë me forcë mbështetjen e shtetit shqiptar, pjesë të të cilit jemi, për të kryer detyrën të pandikuar, pa presione politike dhe pa u shantazhuar në emër të Reformës në Drejtësi?, thuhet gjithashtu.

Gjithashtu, Unioni i Prokurorëve ka konstatuar se kur diskutimet mbi reformën kaluan në nivelin politik, as ekspertët dhe as funksionarët e drejtësisë nuk konsiderohen më si pjesë e zgjidhjes dhe e bërjes së reformës. Në përfundim, unioni ka kërkuar me forcë që drejtësia të lihet e qetë dhe që prokuroret te jenë të lirë të hetojnë.

?Në kohen kur diskutimet mbi reformën në drejtësi kaluan në nivel politik, konstatojmë me keqardhje se as ekspertët dhe as funksionarët e drejtësisë nuk konsiderohen më si pjesë e zgjidhjes dhe e bërjes së reformës. Në përfundim të këtij reagimi kërkojmë edhe një herë me forcë që drejtësia të lihet e qetë, që prokuroret te jenë të lirë të hetojnë si bëjnë çdo dite ne bashkëpunim me oficeret e policisë gjyqësore të policisë se shtetit, doganave, tatimeve dhe institucionet e tjera shtetërore?, përfundon reagimi.