Nga Artan HOXHA/Xhaxha Semi boshatis Tiranen

9 Qershor 2016, 06:07, Aktualitet CNA

Me ne fund Xhaxha Semit iu sos durimi dhe vendosi ta ndaje shapin nga sheqeri. Jo thjesht foli, por sokelliu qe pertej oqeanit, aq fort, sa u duk se ishte ulur kembekryq te Rruga Elbasanit. Foli mor foli, e c’te folur se!!! Vence. Aq sa ata “burrat e dheut”, qe na kapardisen ekraneve si gjeli maj plehut, nga mengjesi ne darke, mbushen breket. E jo breke me vrima si ato te Shukriut, por breke firmato fringo te reja. Pasi mbushen breket, mbushen dhe torbat me topat me euro, e buke me vete, e tia dhane vrapit nga syte kembet. Me te jane shperndare si zogjte e korbit, Berisha e Basha ketej Atlantikut, Meta e Caci pertej Atlantikut. Mbahuni “burra te dheut”, se s’keni ku te qaheni. Nga Xhaxha Semi s’u ben derman njeri, kushdo qofte ai, e sado te majme tia keni dhene honorarin. Iken mor iken qe te mos duken neper ekrane deri sa ti bien nervat Xhaxha Semit. Ia mbathen e na lane vetem ata me “origjine malore” e ata me “origjine mocalore”, aq sa edhe i duruari Nishani do merzitet me qetesi e dashuri nga vetmia, se nuk do kete me ke te kembeje nje fjale sot. Kete te enjte Tirana e televizionet do jene aq bosh e aq kot, sa edhe Rames do ti ike zari e do ti luaje fiqiri. Nuk do kete me ke te grricet e s’do kete ku te paraqitet qe ne 9-te te mengjesit. Prandaj e dua kete Xhaxha Semin, se kur flet te del borxhit. E pastaj nuk ka hoxhe te te kendoje, nuk ka prift te te kungoje, nuk ka baba teqeje te te ysht. Tani erdhi sahati te shohim kush eshte ai dobic qe guxon te bleje deputet, apo ai fare burri qe eshte betuar per qiell e per dhe, se do djeg mandatet e deputeteve. Erdhi ora te shohim kush jane ata deputet skiftera e sypatrembur qe do guxojne te bejne sikur nuk e kane pare dhe se kane degjuar c’ka thene Xhaxha Semi…
Mesazhi eshte i qarte, kush ka vesh le ta degjoje, kush ka sy le ta shikoje, kush ky byth le ta provoje….

“Ambasada e Shteteve të Bashkuara shpreh zhgënjimin e saj që takimi i 6 qershorit mes Kryeministrit Rama dhe Liderit të Opozitës Basha nuk arriti një vendim përfundimtar mbi reformën në drejtësi…..
Do të jetë përgjegjësia e anëtarëve individualë të parlamentit të vendosin nëse duan të mbajnë sistemin e sotëm të drejtësisë të korruptuar dhe të politizuar apo nëse do ta mbështesin këtë reformë…
Kjo reformë, të cilën e mbështesin shumica dërrmuese e shqiptarëve, mbetet një prioritet kyç për Shtetet e Bashkuara…”