‘Mashkulli që njoha në ‘Facebook’ më dhunoi për dy muaj me radhë’

9 Qershor 2016, 04:13, Aktualitet CNA

Ajo i kishte kaluar dy javët e para pa vetëdije, pas së cilave i kujtohet që është dhunuar vazhdimisht dhe i janë dhënë droga

Një adoleshente nga Madagaskari ka rrëfyer se si është kidnapuar, është droguar dhe dhunuar për dy muaj me radhë, pasi që ishte takuar me një mashkull, të cilin e kishte njohur ?online?. ?Jenny?, 17-vjeçare, nga Antananarivo, kryeqyteti i Madagaskarit, ka shkruar me një 28-vjeçar në rrjetin social ?Facebook? për gjashtë muaj dhe kur ai kishte kërkuar, ajo ishe pajtuar që të takoheshin. Ajo i kishte kaluar dy javët e para pa vetëdije, pas së cilave i kujtohet që është dhunuar vazhdimisht dhe i janë dhënë droga për ta nënshtruar dhe për ta parandaluar ikjen e saj. ?Kam pasur 310 shokë në ?Facebook?. Nuk i kam njohur më shumë se 100 prej tyre. Thjesht kam dashur të kem shokë në ?Facebook??, ka thënë Jenny, që nuk është emri i vërtetë i vajzës, shkruan sot gazeta “Kosova Sot”.

?Prindërit e mi nuk e kanë ditur që flisja me të huaj në ?Facebook?

Ajo e kishte pranuar një kërkesë për shoqërim nga një 28-vjeçar, nga një mashkull, të cilin nuk e njihte dhe ata kishin filluar të bisedonin me njëri-tjetrin në rrjetin social. ?Prindërit e mi nuk e kanë ditur që flisja me të huaj në ?Facebook??, ka thënë ajo. Gjatë gjashtë muajve në vijim, Jenny kishte folur shumë me shokun e saj të ri në ?Facebook? dhe sa herë kishte nevojë për ndihmë, drejtohej tek ai. Ajo kishte dështuar në një provim në shkollë dhe mësuesi i kishte thënë se nëse dëshironte ta kalonte provimin, duhet t?ia paguante më shumë se 250 euro, para të cilat ajo nuk i kishte pasur. Andaj ajo ia kishte treguar hallin shokut të saj të ?Facebook?-ut, i cili ishte pajtuar t?i ndihmonte.

?Në dy javët e para kam qenë pa vetëdije?

?Ai më pati kidnapuar dhe më pati mbajtur të ngujuar për dy muaj. Në dy javët e para kam qenë pa vetëdije. Pata parë ëndërr që më ka vdekur nëna, andaj u pata munduar që të ikja, mirëpo nuk ia pata dalë. Nuk kam dalë jashtë për asnjë moment dhe vazhdimisht ka abuzuar me mua. Ai më ka dhunuar për dy muaj dhe gjatë gjithë kësaj kohe kam qarë si fëmijë. Nuk mund ta besoja që ai ishte njeriu që e kam njoftuar në ?Facebook?. Kam menduar që është shumë i sjellshëm dhe nuk e kam besuar që do të dilte i tillë?, ka thënë ajo. Jenny më në fund ishte liruar, pasi që një fqinj e kishte vërejtur atë në shtëpinë e abuzuesit dhe e kishte lajmëruar policinë. Policia e kishte referuar Jenny-n për në UNICEF, ku ka marrë ndihmën e nevojshme mjekësore dhe psikologjike. Ajo tanimë është rikthyer në shkollë, mirëpo ka probleme me kujtesën.