web counter
LEXO PA REKLAMA!

SHKARKO APP

App Store
Google Play

Përçahet koalicioni PS-LSI/ Demokratët bashkojnë votat me socialsitët në Këshillin Bashkiak

5 Qershor 2016, 07:02, Aktualitet CNA

Koalicionit PS-LSI pati një krisje në këshillin bashkiak të Durrësit. Socialistët dhe demokratët bashkuan votat për të miratuar rendin e ditës. Bashkëpunimi PD-PS vjen dy ditë para takimit Rama-Basha. ”

Dje ishte planifikuar të miratoheshin 16 pika në rendin e ditës, por ra në sy se këshilltarët e LSI nuk u paraqitën fare, kjo në shenjë revolte ndaj PS dhe kryebashkiakut Vangjush Dako. Mësohet se shkak është bërë moszbatimi i marrëveshjes së 21 qershorit nga ana e kryebashkiakut sa i takon punësimeve. Para zgjedhjeve vendore të mbajtura më 21 qershor, PS dhe LSI arritën një marrëveshje për ndarjen e punësimeve, por dhe përfaqësimin nëpër drejtori apo këshilla bashkiakë, ku diku u vendos që kreun e këshillit ta kishte PS dhe diku LSI.

Mirëpo, disa muaj më pas nisën përplasjet e para dhe ditët e fundit janë thelluar së tepërmi. PS i kishte premtuar LSI se do i jepte mbi 50 vende pune në drejtori dhe ndërmarrje në Durrës, mirëpo kryebashkiaku Dako u ka deklaruar ditët e fundit përfaqësuesve të saj se këto vende pune janë për PS dhe jo për LSI. Kjo ka acaruar së tepërmi marrëdhëniet dhe dje në mbledhjen e këshillit bashkiak, 13 këshilltarë të LSI nuk morën pjesë fare.

Nga ana tjetër, ajo që shtoi dyshimet ishte se PS dhe PD bashkuan votat për miratimin e 15 pikave të rendit të ditës. Që kur u vendos takimi Rama-Basha pati një shkëndijë se po shkohet drejt bashkëpunimit PS-PD.





Lajmet e fundit nga