web counter
LEXO PA REKLAMA!

SHKARKO APP

App Store
Google Play

Berisha rrëfen bisedën telefonike me Ndihmës Sekretaren Victoria Nuland

4 Qershor 2016, 19:32, Aktualitet CNA

Ish-Kryeministri Sali Berisha ka rrëfyer detaje lidhur me bisedën telefonike me Ndihmes Sekretaren e Shtetit, Victoria Nuland. Përmes një postimi në rrjetet sociale, Berisha shkruan se biseda ka qenë e përqëndruar kryesisht në Reformën e Drejtësisë.

“Ndihmes Sekretarja e Shtetit Nuland ne bisede theksoi rendesine e madhe te kesaj reforme per integrimin e Shqiperise ne Europe dhe shprehu vleresimin e saj ne perpjekjet e fundit te ambasadoreve te SHBA dhe BE per nje kompromis midis paleve ne ditet qe vijne. Nga ana ime theksova se besoj se nje kompromis, ne rast se qeveria deshiron reformen, eshte plotesisht i mundshem. Kerkesa e opozites per vende te rezervuara eshte nje kerkese anti-kapje, bazohet plotesisht ne rekomandimet nderkombetare dhe qeveria nuk ka asnje arsye te mos e pranoje. Theksova se thjeshtimi i arkitektures se institucioneve te drejtesise eshte plotesisht i mundshem dhe u shpreha se shpresoj qe palet do bien dakord.” shprehet Berisha.

Ish-Kryeministri shton se kerkesa e opozites per te votuar, se bashku me nenet e reformes ne drejtesi, edhe nenin per votimin dixhital, biometrik, do te deshmonte vullnetin e qeverise per nje proces zgjedhor transparent, jetik per vendin.

“Se fundi, se bashku me Ndihmes Sekretaren e Shtetit, zonja Nuland vleresuam shume te rendesishem nje kompromis te mundshem ne ditet qe vijne!” ka përfunduar postimin e tij ish-Kryeministri Berisha.





Lajmet e fundit nga