web counter
LEXO PA REKLAMA!

SHKARKO APP

App Store
Google Play

E fundit!

x

Nishani: Nuk e emëroj bashkëshortin e Ermonela Felajt, do ankimoj në Apel!

4 Qershor 2016, 18:53, Aktualitet CNA

Presidenti i Republikës do të apelojë në Gjykatën Administrative të Apelit, vendimin  që e detyronte të emëronte prokuror në Kukës, bashkëshortin e ministres së Shtetit  për Marrëdhëniet me Parlamentin, Ermonela Felaj. Në një intervistë për Ora News, Nishani ka deklaruar se do të apelojë vendimin e dhënë në 23 maj nga Gjykata Administrative e Shkallës së Parë, që i dha të drejtë Bledar Valikaj në padinë ndaj Presidentit për rrëzimin në heshtje të emërimit të tij në Kukës.

“Procesi vazhdon në sistemin gjyqësor. Sistemi gjyqësor ka disa shkallë dhe procesi vazhdon. Është qartazi përcaktuar sesi funksionojnë dhe sesi adresohen ankesat që kemi ndaj vendimeve gjyqësore. Presidenti ka respektuar dhe do të respektojë gjithmonë, jo vetëm si institucion, por edhe si qytetar në radhë të parësistemin që ne kemi ndërtuar në Kushtetutën e vendit dhe në jurispudencën tonë të brendshëm.” është shprehur Nishani.

I pyetur mbi takimin e prishtëm mes kryeministrit Edi Rama dhe kryedemokratit Lulzim Basha, Kreu i Shtetit tha se e vlerësonte pozitivisht atë. “Nuk ndodh shpesh në konfigurimin politik dhe në jetën politike shqiptare që të kemi takime të këtij niveli. Takimi në gjykimin tim është pozitiv. Nuk e njoh dhe nuk e di axhendën dhe nëse do të ketë një axhendë të suksesshme takimi përveçse pozitiv do të ishte edhe i rëndësishëm.” ka shtuar Kreu i Shtetit.

 





Lajmet e fundit nga