web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/ Euro 2016 apo Neuro(I)SIS 2016?

4 Qershor 2016, 20:46, Aktualitet CNA

Pas pak ditëve nis Euro 2016 në futboll.
Zyrtarisht në të marrin pjesë 24 ekipe përfaqësuese të 24 vendeve europiane.
Në realitet marrin pjesë 25 ekipe.
Ekipi i njëzetepestë eshtë edhe ai të cilit i tremben më shumë të gjithë pjesëmarrësit në turne.
Ky është ekipi i ISIS (Shtetit Islamik).
Për shkak të tij Euro 2016 është duke u përjetuar paraprakisht dhe do të përjetohet në ditët që do të luhet, si Neurosis 2016.
Neurosis= fjala ?neurozë? ashtu si shkruhet në gjuhët kryesore europiane.
Neurosis= neologjizëm imi i dalë nga bashkimi i fjalëve ?Euro? dhe ?ISIS?.
Nëse ndodh një atentat terrorist në Francë në ditët e turneut, të gjitha ndeshjet përfundojnë me rezultatin forfeit(të dhënies së ndeshjes në tryezë) 3-0 për ekipin e ISIS.
Kështu, Ekipi i ISIS fiton forfeit (në tryezë) ?kupën? e turneut, duke mundur secilin nga 24 vendet pjesëmarrëse me rezultatin 3-0.
Në të gjithë europianët dhe botërorët e futbollit të luajtur në të shkuarën, në retorikën e gazetarëve sportivë fraza më e përdorur ka qenë ?stadiumet do të shpërthejnë? nga entusiazmi?
Këtë herë kjo frazë është paraprakisht taboo (nuk përdoret se ndjell keq) për ta dhe kështu do të jetë edhe për komentatorët e ndeshjeve.
Arsyeja? Në shtëpinë e të varurit, nuk përmendet litari, thotë një proverb.
Në Europën që jeton me ankthin e terrorizmit islamik, një frazë e tillë, ?stadium shpërthen? quhet ndjellakeqe.
Sepse ISIS synon vërtet që të marrë pjesë me ?ekipin? e tij në Euro 2016, duke kryer së paku një atentat në Francë në kohën që luhen ndeshjet e Euro 2016.
Dhe nëse ISIS ia arrin ta bëjë këtë, qoftë edhe pa arritur ta bëjë një stadium të shpërthejë, por duke kryer një atentat jashtë stadiumeve, atëherë ISIS shpallet ?fituesi? i Euro 2016 në tryezë, forfeit.





Lajmet e fundit nga