E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rama në panik nga zgjedhjet e parakohshme lokale/ Urdhër kryebashkiakëve të inkriminuar të mos japin dorëheqjen

5 Qershor 2016, 06:33, Aktualitet CNA

Largimi nga detyra i disa kryebashkiakëve socialistë për shkak të dekriminalizimit, duket se ka ngjallur frikë dhe panik te PS dhe kreu i saj. Në këto bashki do të duhet të bëhen zgjedhje të reja dhe fitorja e PS sërish aty është shumë në pikëpyetje. Për këtë arsyekanë nisur lëvizjet nga ana e socialistëve për të ndalur largimin e tyre. Pakënaqësia ndaj qeverisë ka kapur majat dhe mbajtja e zgjedhjeve lokale para tyre të 2017 mund të çojë PS në humbje të garantuar.

Gazeta “Sot” shkruan se PS ka nisur përgatitjet për zgjedhjet e 2017 me shpresën se brenda këtij viti do arrijë të ngrejë imazhin e saj, por mbajtja tani e zgjedhjeve në pushtetin lokal do ishte një thikë me dy presa, pasi PS do i humbiste rreth 4 bashki të sajat dhe kjo do të ndikonte dhe te zgjedhjet e ardhshme. Për këtë arsye, ditët e fundit kanë nisur lëvizjet për të ndaluar dorëheqjen e kryebashkiakëve. Mësohet se kryeministri Edi Rama i ka urdhëruar të gjithë ata persona të akuzuar që të mos e mendojnë dorëheqjen. Mësohet se ai u ka thënë se, edhe nëse sjellin dorëheqjet, nuk ka për t?i firmosur. Ai u ka kërkuar që të vijojnë në detyrë pavarësisht akuzave të opozitës.

Janë 3 kryebashkiakë nga radhët e PS që janë të akuzuar nga demokratët për lidhje kriminale, disa prej të cilëve edhe i kanë pasqyruar në formularët e dekriminalizimit akuzat jashtë vendit. Mirëpo, asnjë prej tyre nuk ka marrë vendimin për t?u dorëhequr. Nga ana tjetër, dy ditë më parë ndodhi një rast i paprecedentë me Elvis Roshin e Kavajës, i cili vendosi të tërhiqte dorëheqjen. Sipas dyshimeve, rol në këtë mes ka pasur Edi Rama, i cili nuk firmosi dorëheqjen, teksa dhe dje nuk pati asnjë reagim për këtë çështje prej tij.

Rama ka qenë kundër largimit të Rroshit. Arsyeja ishte se nëse mbahen zgjedhje në Kavajë, PS do i humbasë ato. E njëjta gjë po ndodh dhe me bashkitë e tjera, ku mësohet se ka ndërhyrje të forta për të ndalur dorëheqjen e kryebashkiakëve. Tani mbetet në dorë të prokurorisë që të vërtetojë akuzat, por mësohet se dhe ndaj saj ka një presion të madh politik, me qëllim zvarritjen më shumë të verifikimeve dhe nxjerrjen e tyre të pastër.