web counter
LEXO PA REKLAMA!

SHKARKO APP

App Store
Google Play

Ndocaj: PS-ja e Lezhës në drejtimin e duhur, forumet socialiste pranuan kritikat e mia

31 Maj 2016, 18:18, Aktualitet CNA

Deputeti Eduart Ndocaj është shprehur se forumet socialiste kanë pranuar kritikat e tij  dhe kanë reaguar në mënyrë pozitive ndaj tyre. Përmes një reagimi në rrjetet sociale, Ndocaj ka përgëzuar Kryetaren e re të PS-së Lezhë Ardiana Jaku, ndërsa e cilëson zgjedhjen e saj si drejtimin e duhur të degës së Partisë Socialiste në këtë qark.

“Disa herë e kam kritikuar PS e Lezhës dhe këto kritika nuk kanë qenë personale, në interesin tim personal apo për egoizëm të sëmurë. Unë, vendosa të bëhem pjesë e grupit PS dhe të angazhohem për të në 2013 fal kontaktit dhe miqësisë që kisha me ata që janë senatorët e Partisë.
Partinë Socialiste në Lezhë e njoh mirë, se shumica e tyre kanë punuar e bashkëpunuar me mua në 2013. Kisha bërë me të drejtë kritika për procesin zgjedhor të PS Lezhë dhe për kandidatët, këto kritika i kam ngritur publikisht, por edhe në forumet më të larta të PS.” shprehet deputeti Ndocaj.

Ai shton se PS ka një shpresë për tu rikthyer faktori më i rëndësishëm politik në Qarkun e Lezhë. “Me zgjedhjen në postin e Kryetares së PS në Lezhë të Ardiana Jakut, dua tu jap lajmin të gjithë socialistëve të Lezhë që falë kritikave të mia, por edhe falë vullnetit më në fund të forumet më të larta të Partisë, ku jam edhe pjesë, PS ka një shpresë për tu rikthyer faktori më i rëndësishëm politik në Qarkun e Lezhë ashtu siç e meriton.
Dua të përgëzoj përzgjedhjen në kryen e PS Lezhë të Ardiana Jakut, sepse është një person me vlera dhe me kontribute të rëndësishme. Po ashtu, si deputet i Qarkut Lezhë dhe si Anëtarë i Asamblesë ofrojë bashkëpunimin tim për të ringritur PS socialistë, pa ndarje, me proces merite e vlerash në nivelet që kërkohen për zgjedhjet e ardhshme të 2017!
Po ashtu, dua të falënderoj forumet kryesore të PS socialiste që pranuan kritikat e mia dhe që më në fund u bindën se ato janë në shërbim të shëndoshjes së Partisë duke krijuar një standard të ri komunikimi dhe organizimi!” përfundon deputeti Eduart Ndocaj.





Lajmet e fundit nga