web counter
LEXO PA REKLAMA!

SHKARKO APP

App Store
Google Play

Bamir Topi: Partitë politike po sabotojnë Reformën në Drejtësi

29 Maj 2016, 06:59, Aktualitet CNA

Ish-presidenti i Shqipërisë, sot kreu i FRD, Bamir Topi shprehet se palët politike kanë shfaqur tendenca të qarta të sabotimit të Reformës në Drejtësi. Në një intervistë për ?Panoramën? , Topi tha se pretekstet për të sabotuar reformën janë absurde, pasi kërkohet votim me 2/3 ku të njëjtët aktorë zgjodhën Presidentin me 71 vota.

?Unë besoj se ajo që lidhet esencialisht me rolin e politikës te Reforma në Drejtësi është shprehja e vullnetit politik, pasi me teknikat ligjore janë marrë ekspertët. Me fjalë të tjera, ajo që i mbetet të bëjë nuk po e bën. Arsyet nuk duhen kërkuar te paaftë- sia e politikës, por tek e kaluara dhe e tashmja e saj si aktore e menaxhimit të fondeve e pasurive publike, si dhe në çështje delikate politike me rrjedhoja dramatike, si p.sh. ?Gërdeci?, ?21 janari? etj. Tanimë nuk ka paqartësi. Palët janë shprehur dhe duken tendenca të qarta të sabotimit të Reformës me pretekste absurde, pasi kërkohet votim me 2/3-tat, kur të njëjtët aktorë zgjodhën Presidentin me 71 vota. Mbetet për të parë deri kur do të mund të blofohet.?, u shpreh Topi

Kreu i FRD ka folur edhe për Refromën Zgjedhore, për të cilën tah se partia që ai drejton është e mendimit se cdo deformin që ndodh në Shqipëri, fillon mbi platformën e korrupsionit të votës. Ai tha se FRD ësthë për ndryshime në zgjedhje, komisione jopolitike, lista të hapura dhe votim elektronik

?Po flitet për votim dhe numërim elektronik, por jo për thelbin, sistemin apo listat e hapura dhe korrektimin e votës? Fryma Re Demokratike ka qenë e mbetet e mendimit që gjithçka e deformuar në Shqipëri fillon e zhvillohet mbi platformën e korrupsionit me votën e shqiptarëve. Si gjithmonë, Reforma Zgjedhore bëhet në limitet e kohës, duke dëshmuar arrogancë dhe paralajmërim për vjedhje të reja në votimet e radhës. Ne jemi për ndryshime të rëndësishme si korrektimi kombëtar i votës, komisione jopolitike, lista të hapura etj. Sa i përket votimit elektronik, është çështje teknologjike që duhet të shoqërohet nga ato çka thashë më sipër?, tha ai

 

 





Lajmet e fundit nga