web counter
LEXO PA REKLAMA!

SHKARKO APP

App Store
Google Play

Mustafa: Kosova, kthesa të mëdha në rrugën e bashkimit evropian

28 Maj 2016, 20:25, Aktualitet CNA

Kryeministri i Kosovës, njëkohësisht kryetari i Lidhjes Demokratike të Kosovës (LDK) Isa Mustafa,  deklaroi të shtunën se ?gjatë këtyre muajve ka pasur arritje të mëdha, por mbeten edhe shumë sfida siç janë zhvillimi ekonomik, papunësia, krimi i organizuar?.

Në fjalën e tij në Konventën e Punës së LDK-së, Mustafa theksoi se ?kjo konventë po mbahet në kohën kur Kosova po korr suksese historike në zhvillimin ekonomik dhe social?.

?Ky muaj ka qenë muaj historik dhe ne i gëzohemi këtyre arritjeve. Jam krenar që kisha përkrahjen më të madhe të LDK-së dhe qytetarëve që të drejtoj qeverinë e koalicionit kur Kosova po gëzon kthesa të mëdha në rrugën e bashkimit evropian?, tha Mustafa.

Sipas tij, rezultatet nuk vërehen vetëm dhe nëse ecet së bashku arrihet shumë më lartë, e kësaj radhe ne kemi bashkëpunuar me gjithë partnerët.

?Kosova ka edhe sfidat e saj, disa nga ato tani i kemi zbutur e me disa jemi ballafaquar edhe si LDK, edhe si koalicion. Në Këshillin e Përgjithshëm të LDK-së, është vendosur që LDK të marrë përgjegjësinë për ta drejtuar qeverinë. Në LDK ka pasur zëra që e kanë kundërshtuar koalicionin, disa me AAK-në, e disa me PDK-në. Është hera e parë që LDK e ka marrë përgjegjësinë për të qeverisur vendin dhe për këtë nuk është shumë e lehtë. Ne kemi shumë probleme për t?u ballafaquar dhe sfiduar me to, si sfidat e zhvillimit ekonomik, papunësia, duhet të ballafaqohemi, kemi krimin e organizuar. Kosova po tregon shembullin më të mirë në luftën kundër ekstremizmit?, tha ai.





Lajmet e fundit nga