E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vetëdeklarimi/ Kryebashkiaku i Mallakastrës: Ma punuan, nuk e dija që isha dënuar me burg

22 Maj 2016, 15:42, Aktualitet CNA

Kryebashkiaku i Mallakastrës Agron Kapllanaj shkruan në rrjetet sociale se dënimi i tij me burg në Itali erdhi pasi ai bleu një makinë me dokumenta false, për të cilën thotë se ja punuan.

?Në vitin 1995, pasi kurseva disa para nga puna dhe për shkak të moshës së re që kisha, bleva një makinë të përdorur në Firenze. Sigurisht që padituria apo edhe dëshira e tepruar e moshës, për të patur makinën, më shtyu në nxitim ta blija nga një individ Italian, i cili dokumentat e makinës i kishte të falsifikuara. Iu gëzova makinës së blerë, pa ditur, për rrengun që më ishte punuar. Në datën 26.07.1995, më ka ndaluar në rrugë patrulla e policisë rrugore dhe nga kontrolli i dokumentacionit rezultoi që dokumentat ishin të falsifikuara, edhe pse unë isha në posedim të mjetit me të gjitha çelësat e saj. Më kot ishin sqarimet që unë dhashë pranë autoriteteve italiane për atë çfarë kisha pësuar. Vazhdova të qëndroj e të punoj në Itali deri në vitin 2000, kur u ktheva në Shqipëri përgjithnjë.?, shkruan Kapllanaj

Më tej ai shprehet se nuk ka qenë në dijeni për rrjedhën e ngjarjes. Ai thekson se ka mësuar se ishte dënuar me dy vjet burg në Itali për këtë cështje vetëm vitin e kaluar, kur po diskutohej cështja e dekriminalizimit dhe ai kishte bërë kërkimet përkatës. Kapllanaj shkruan se edhe pse ka shkuar shpesh herë në Itali, atij nuk i është bërë i ditur ky fakt dhe nuk është arrestuar.

?Më vonë rashë në dijeni se autoritetet policore italiane më kishin proceduar për atë incident, që në vitin 1995. Megjithëse unë kam jetuar në Itali në atë periudhë, nga viti 1995 deri në vitin 2000 nuk kam qenë në dijeni dhe nuk kam njoftuar se si kishte rrjedhur çështja. Vitin e kaluar, teksa ishte duke u diskutuar çështja e dekriminalizimit, bëra kërkimet përkatëse dhe më rezultoi se në vitin 2003, pra plot 8 vjet nga ai incident dhe 3 vjet pasi unë kisha lënë përfundimisht Italinë, ndaj meje ishte dhënë një vendim dënimi me dy vjet burgim të pezulluar (që nuk vuhet nëse nuk bën shkelje) dhe me 200 euro gjobë. Kam shkuar disa herë në Itali, qoftë për çështje pune, qoftë për çështje personale. Asnjëherë nuk më është vënë në dijeni ky fakt. Nuk jam arrestuar dhe nuk jam burgosur asnjë ditë të vetme?, shkruan kryebashkiaku i Mallakastrës

Në përfundim të sqarimit të tij, Kapllanaj thotë se kjo është përgjegjësi e tij dhe se është i gatshëm të mbajë cfarëdo mase ligjore dhe morale.

?Është kjo një përgjegjësi totalisht e imja, për të cilën jam i gatshëm të mbaj cfarëdo mase, ligjore dhe morale. Kam kërkuar besimin e qytetarëve, duke iu premtuar atyre shembullin e punës dhe të moralit. Këtë kam besuar se kam treguar përsa kohë që kam qenë kryetar Komune dhe tashmë prej 1 viti, edhe Kryetar i Bashkisë Mallakastër. Bashkëqytetarët e mi kanë të drejtën të jenë në dijeni se cili është njeriu, që i kanë besuar drejtimin e Bashkisë së tyre. E sigurt është një gjë që iua kam premtuar dhe që nuk do rresht asnjë ditë së treguari. Ata nuk kanë në krye një njeri që i turpëron në dinjitetin e tyre.

Gjithsesi, ngjarja është ajo çka ju tregova më sipër. Unë kam depozituar sipas ligjit në KQZ vetëdeklarimin së bashku me dokumentet e tërhequra nga gjykata italiane dhe Ministria italiane e Drejtësisë. Vlerësimi tashmë i mbetet autoriteteve dhe publikut.? përfundon ai