E fundit!

22:21 Aktualitet

Reagimi i Shqipërisë ndaj deklaratës së ministres serbe/ Sveçla: Duhet të jetë më konkret

Ministri i Brendshëm i Kosovës, Xhelal Sveçla ka folur mbr...

Ministri Haxhinasto inspektoi disa pjesë të Rrugës së Kombit/ Duhet të forcohet më shumë elementi i policimit të rrugëve

22 Maj 2016, 10:27, Aktualitet CNA

Ministri i Transportit dhe Infrastrukturës Edmond Haxhinasto ka zhvilluar disa inspektime përgjatë rrugës Milot- Morinë. Ministri Haxhinasto ndoqi nga afër punimet në Lotin e parë të segmentit Kukës-Morinë, ku vazhdon projekti i ndërtimit të 5 urave. Haxhinasto tha se presim të alokohen fondet që ky lot të përfundojë brënda vitit.

“Me mundësi të reja financimi do të përfundojmë edhe lotin e dytë, që të plotësojmë gjithë segmentin Kukës-Morinë. Është shumë e rëndësishme të respektohen edhe standartet e punimeve dhe të vendoset sinjalistika e përkohshme, me qëllim që siguria e kalimit në këto segmente të jetë e lartë”. ?theksoi Haxhinasto.

Më tej Haxhinasto u ndal edhe në një tjetër segment të rrugës së Kombit, ku i pyetur nga mediat, u ndal edhe te aksidentet rrugore të kohëve të fundit. Haxhinasto theksoi se për një siguri më të lartë rrugore, duhet të forcohet më shumë elementi i “policimit” në rrugë.

?Në fakt shifrat janë shumë të sakta që sinjalistika në mënyrë të drejtëpërdrejtë ka ndikuar në uljen e aksidenteve me vdekshmëri, por në disa segmente siç e thatë dhe ju, ka pasur aksidente me pasoja të rënda. Mendoj se përmirësimi i standartit të rrugëve mund ti motivojë njërezit të ecin me shpejt, dhe të injorojnë ato detyrime që kanë ndaj rregullave të qarkullimit, dhe kjo nuk duhet të ndodhë. Çështja e sigurisë rrugore është padyshim, çështje e standartit të rrugës, të investimeve që bëhen në të, por jo vetëm. Është gjithashtu një çështje e “policimit” të rrugëve dhe besoj se ka nevojë për forcimin e “policimit” të rrugëve. Është gjithashtu çështje e cilësisë dhe e kontrollit të procesit të dhënies së lejeve të drejtimit, pra është një çështje e edukimit. Është çështje e njohjes së rregullave të qarkullimit, pasi është e qartë që një pjesë aksidenteve është si pasojë e mos njohjes së rregullave të qarkullimit. Sot 70 përqind e aksidenteve, ndodhin si pasojë e faktorit njerëzor. Ne kemi filluar një plan kombëtar të sigurisë rrugore që e rishikojmë herë pas here, dhe e përmirësojme në bazë të kërkesave të momentit. Besoj se është momenti të forcohet elementi i edukimit, trajnimit si të përdoruesve të rrugës, si të drejtuesve të mjeteve ashtu edhe këmbesorëve, por veçanërisht forcimi i elementi i të “policimit” të rrugëve të vendit.?-deklaroi ministri Haxhinasto.

Ndalesa e fundit e Ministrit Haxhinasto, ishte në aksin Thumanë-Fushë Krujë, ku drejtori i “ARRSH” Dashamir Xhika, tha se ky projekt i rëndësishëm parashikon ndërhyrje në disa pjesë për asfaltimin dhe rregullimin e hyrje daljeve. Ndërkohë i bëri apel kompanisë kontraktore të marrë masat për sinjalistikën provizore.

“Këtu jemi në aksin Thumanë Fushë Krujë, me një gjatësi 9,2 km, projekt që synon riveshjen me asfalt të gjithë aksit, dhe trajtimin e gjithë hyrje daljeve nëpër qendrat e banuara . Investimi kap një vlere prej 606 milion lekë. Ky është një aks që ka një dendësi shumë të madhe të trafikut, pasi kalon gjithë veriu i vendit, edhe është përgjegjesia e firmës kontraktore, që të marrë të gjitha masat për plotësimin me sinjalistikë provizore për rregullimin e trafikut. Por njëkohësisht duhet tu përmbahet gjithë detyrimeve kontraktuale”. ?tha ministri Haxhinasto./ Citynews