Aleanca Kuqezi proteston para parlamentit/ Spahiu: Rama të japë llogari pse ndryshoi emrin

22 Maj 2016, 09:24, Aktualitet CNA

Aleanca Kuqezi, paraditen e sotme ka zhvilluar një protestë para Parlamentit për moszbatimin e dekriminalizimit. Kreu I AK-se, Kreshnik Spahiu bëri thirrje që të gjithë ata politikanë që në formularët e vetdeklarimit për dekriminalizimin kanë rezultuar me precedent penalë duhet të largohen.

Aktivistët kuqezi me kazan plehrash ne dyert e parlamentit, hodhën fotot e ministrave ne kazane plehrash.

Kësaj herë në shesh kryetari i kësaj partie dhe simptatizantët e saj ishin për pastrimin e politikës nga krimi.

Duke i konsideruar plehrat e politikës më kancerogjene se vetë ato urbane, Spahiu shpalli tenderin pastrimin e plehrave të politikës shqiptare.

Për Spahiun, ?djegia? e tyre në kazanin e mbeturinave nga populli do të jetë dhe fundi i tyre, sepse ato nuk mund të ricikohen.

Kreshnik Spahiu: Në një afat deri në vjeshtën e këtij viti që nëse nuk largohen, nëse nuk pastrohen, përfundimisht Aleanca Kuq e Zi bën koalicion me popullin për ti vendosur kyçin dhe çelësin Kuvendit të gangsterëve, këtij Parlamenti i cili na turpëroi faqen, turpëroi dhe i nxiu historinë shqipëtarëve. Jemi këtu për të shpallur përfundimisht që me këta kazanë plehrash, ky është fundi i këtyre politikanëve, portreti dhe karakteri i të cilëvve nuk mund të riciklohen.

Në 25 vite pritëm që të pastroheshin me votë, votë e cila kurrë nuk numërohej. Pritëm në 25 vite të kishte një shtet dhe Shqipëri tjetër. Por sot fatkeqësisht plehrat e politikës e kanë pushtuar kudo Shqipërinë, janë sot më kancerogjene se mbetjet dhe plehrat urbane. Për këtë arsye ne sot shpallim tenderin dhe fushatën për pastrimin e plehrave të politikës shqiptare, për ti treguar që kazani i plehrave është fundi i tyre.

Populli do ti fusë ata dhe do ti djeg në kazanin e plehrave sepse nuk mund të riciklohen. Me kazanë plehrash do rrethohet Kuvendi nëse ata nuk pastrohen. 100 vite më parë kishim një Kuvend burrash, sot kemi një Kuvend me prostituta dhe fundërrina që kanë bërë burg për prostitucion, vrasje dhe drogë.Pas 25 vitesh na del se që nga Kryeministri dhe çdo kryetar Bashkie kanë nga 2 deri në 5 emra. Menduam 25 vite që Berisha tallej me emrin Edvin, por del se ai e ka ndryshuar për t?iu fshehur policisë dhe taksave në Paris./ Citynews