E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Bashkia e Sarandës do të vendosë bustin e Anetës, nënës së Edi Ramës me mbishkrimin: Hillary Clinton/ Nga Kastriot Myftaraj

22 Maj 2016, 13:39, Aktualitet CNA

Kryetarja e Bashkisë së Sarandës, përfaqësuese e PS-së, ish-gazetarja e gazetës ?Shekulli? të Koço Kokëdhimës, Florjana Koka, u bë zëdhënëse e një ideje së shkëlqyer që pati Kryeministri Rama kohët e fundit. Ideja është që bustin e fundit, të cilin babai i tij Kristaq Rama, i bëri gruas së vet, nënës së Kryeministrit, para vdekjes, ta vendoste në qendër të qytetit të Sarandës me mbishkrimin ?Hillary Clinton?.

Fjala është për bust, jo për shtatore, siç thonë gabimisht disa. ?Bust? quhet vetëm pjesa e sipërme e trupit. Ky bust i zonjës Aneta Koleka Rama ështe bërë kur ajo ishte rreth 60 vjeç, në mes të viteve nëntëdhjetë, pak kohë para vdekjes së Kristaq Ramës, në 1998. Aneta sot është 79 vjeç dhe me gjithë ndryshimin që ka pësuar për shkak të moshës, duket qartë se busti është i saj, jo i dikujt tjetër. Në fotot e Anetës të bëra në mes të viteve nëntëdhjetë, ngjashmëria është edhe më e madhe.
Nuk ka asnjë dyshim se ideja për vendosjen e bustit është e Kryeministrit Rama, pasi Florjana Kokës, e shpallur rilindase për shkak se e ka burrin nga Progonati i Tepelenës, dhe nënën gjithashtu tepelenase, nuk di të shkruajë as emrin e vet, dhe as në ëndërr nuk vinë ide të tilla. Dikush duhet t? i mësojë Florjanës të shkruajë saktë emrin e saj, pra ?Floriana?.
Nuk është hera e parë që me Sarandën bëhen shaka të tilla. Kur Italia fashiste pushtoi Shqipërinë, qyteti u quajt me emrin e vajzës së Mussolinit, Porto Edda. Tashmë do të bëhet Porto Aneta.

Busti me etiketën e rreme Hillary Clinton po vendoset për shkak se ajo është një nga dy kandidatët më të rëndësishëm në fushatën zgjedhore presidenciale në SHBA. Në rast se Hillary Clinton fiton zgjedhjet presidenciale, Edi Rama shpreson që ajo të vizitojë Shqipërinë, e tërhequr nga busti me emrin e saj. Nëse Hillary humb zgjedhjet, atëherë sipas parimit ?nuk keni parë gjë akoma?, mund të thuhet ashtu si për koalicionin e ngjalës Rama-Meta, se emri në bust ishte shkruar gabim dhe se busti ishte i Anetës, jo i Hillary-t. Tekefundit, kujt i hyn në punë Hillary Clinton nëse humb zgjedhjet presidenciale!/Kastriot Myftaraj