web counter
LEXO PA REKLAMA!

SHKARKO APP

App Store
Google Play

E fundit!

x

Shkarkohet shefi i Sigurisë së Farkës/ Fluturonte me një helikopter privat

22 Maj 2016, 13:16, Aktualitet CNA

Shefi i Sigurisë Ajrore në Komandën e Forcave Ajrore në Farkë është shkarkuar nga detyra. Nënkolonel Altin Lame  duhej të ishte në detyrë ditën e 6 prillit, kur edhe ndodhi aksidenti ajror në Shkodër. Largimi i tij nga Forcat Ajrore është bërë me motivacionin ?për shkelje të rëndë të disiplinës?, shkruan Top Channel

Sipas listës së miratuar, ai ishte zyrtari i fundit në bazën e Farkës, që firmoste lejen e fluturimit dhe konfirmonte kontrollin e pilotëve që do të niseshin me mision trajnues. Por prania e tij ka qenë fiktive në detyrë, pasi nënkoloneli në fakt atë ditë rezulton të ketë qenë i angazhuar si pilot në një agjenci private fluturimi.

Nga ana e saj, Prokuroria e Shkodrës i ka dërguar fletëthirrje shtetasit Altin Vrapi, me detyrë drejtor i Sigurisë Ajrore të Licencave, në Autoritetin e Aviacionit Civil. Prokuroria thotë se thirrja e tij është bërë pasi shikohen të dyshimta licencat e lëshuara ndaj kompanisë private për fluturimet, në një kohë që një piloti ushtarak nuk i lejohet të jetë i angazhuar.

Aktualisht Prokuroria e Shkodrës është në pritje të ekspertizës së kartës së memories së helikopterit ?EC 145?, nga rrëzimi i të cilit humbën jetën Donald Hoxha dhe Florian Deliu. Ndërkohë i mbijetuari Baramuça, në të gjitha seancat e pyetjeve këmbëngul se nuk mban mend asgjë nga dita e aksidentit.





Lajmet e fundit nga