web counter
LEXO PA REKLAMA!

SHKARKO APP

App Store
Google Play

E fundit!

x

Vetëdeklarimi/ Reagon Artur Bushi: Jam i padënuar, PD në Strazburg për dëm moral

22 Maj 2016, 15:25, Aktualitet CNA

Kryebashkiaku i Krujës, Artur Bushi, ka reaguar pas publikimit të formularit të vetëdeklarimit në lidhje me dekriminalizimin dhe për akuzat e forta të opozitës.

Bushi shprehet se në vitin 1996 është ndaluar në Itali, por është liruar menjëherë. Gjithashtu, kryebashkiaku i Krujës thotë se në vitin 2010 është arrestuar nga autoritetet italiane, por pas një hetimi 44 ditor është liruar. ?Në përgjigje të të dërguarit të radhës nga SHQUP-i, që vazhdojnë me të njëjtën melodi bajate shpifjesh të turpërta në inercinë e rrenave të përsëritura ndaj meje, përgjigjem: Ashtu siç kam deklaruar në formularin e dorëzuar në KQZ, jam ndal në 1996 dhe jam liruar në mënyrë të menjëhershme, jam arrestuar në 2010 dhe pas hetimeve 44 ditore jam liruar si i pafajshëm, dhe ne dëshminë e penalitetit të Shtetit Italian jam shtetas i padënuar as edhe 1 ditë me vendim gjykate.“, shpehet ai

Më tej, Bushi shprehet se ai do të japë dorëheqjen nga posti aktual nëse deklarimet që ai ka dhënë janë të pavërteta. ?Pas verifikimit që do bëhet nga institucionet përkatëse nqs me çdolloj identiteti del se unë kam qenë vetëm një herë të vetme i dënuar apo i hetuar për vepra penale të çfarëdolloj përveç asaj që kam deklaruar, atëherë unë do jap dorëheqjen, nqs pas verifikimit të shenjave të gishtërinjve del se unë kam pas identitet tjetër, prapë jam i gatshëm të jap dorëheqjen. ?, shprehet Bushi

Kryebashkiaku shprehet se do të dërgojë PD-në në gjykatën e Strazburgut për dëm moral në lidhje me akuzat kundër tij.

“ Por pas nënshtrimit të ligjit dhe verifikimit përkatës që do bëhet do të rezultojë që çdo gjë që ka shpif SHQUP-i ka mbi 2 vite ndaj meje do të rezultojë ashtu siç them dhe siç kam deklaruar unë, me çfarë kosto do më paguajnë gjithë atë baltosje dhe lumë shpifjesh të qelbura që vetëm nga goja e atyre mund të dalin, sepse i premtoj SHQUP-it që nuk do t?i lej deri në gjykatën e Strasburgut për dëm moral të përsëritur për më shumë se dy vite?, thotë Bushi.





Lajmet e fundit nga