web counter
LEXO PA REKLAMA!

SHKARKO APP

App Store
Google Play

E fundit!

x

Çertifikatat e pronësisë/ Rama: Jo më shfrytëzues të përkohshëm të tokës, por pronarë të ligjshëm të saj

17 Maj 2016, 09:30, Aktualitet CNA

Kryeministri Edi Rama ishte sot në Bradashesh të Elbasanit për të shpërndarë çertifikatat e pronësisë për tokat bujqësore.

Në fjalën e mbajtur përpara fermerëve, kreu i qeverisë tha se janë 300 milionë euro kredi me interesa shumë të vogla për mbështetjen ndaj fermerëve. Për këtë arsye, ai tha se brenda muajit qershor do të hapen 5 zyra konsulence për fermerët.

Rama: Ne kemi futur në funksion këtë vit një fond garancie për kreditimin e fermerëve përmes bankave të nivelit të dytë në bashkëpunim me BERZH, për të bërë të mundur që kush dëshiron të investojë më shumë për fermën e vet apo të bashkohet me të tjerë, të mund të përfitojë kredi me interesa shumë më të favorshme. Janë 300 milionë euro që janë në dispozicion për financimin e kreditimit. Në fund të qershorit do të hapim 5 zyrat e para të konsulencës për fermerët.Do tju japim çertifikatë pronësie, nga shfrytëzues të tokës do të shndërroheni në pronar të ligjshëm të saj. Nuk do të ketë më burokraci për tu pajisur me çertifikatën e pronësisë, do lehtësohen proçedurat.

Ne sot po japim çertifikatat e para të pronësisë, duke i hapur rrugë një proçesi të cilin jemi zotuar ta përmbyllim brenda vitit për të gjithë fermerët e Elbasanit./ Citynews





Lajmet e fundit nga