E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Skandalet/ Opozita mbron Metën, Rilindasit e PD-së sulm ndaj Rilindjes

17 Maj 2016, 07:24, Aktualitet CNA

Janë 3 skandale në një javë të cilat po mbulojnë njëra-tjetër dhe po shmangin vëmendjen e opinionit nga përgjegjësia e aktorëve politikë. Ato po mbivendosen dhe konsumohen shpejt më parimin ?ccudia më e madhe tre ditë zgjat?.

Por të treja nuk janë në një moment të rastësishëm. Sapo shpërtheu akuza e PD-së ndaj Saimir Tahirit për lidhjet e ?Rilindjes? dhe Ramës me ?Eskobarin? e Ballkanit Klement Balili, shpërthyen nga ana tjetër ?brekët e Shukriut?. Në fakt Balili ishte drejtor i LSI-së por PD-ja e shmangu ish-aleatin jo paqëllim. Meta menjëherë u ?vërsul? ndaj Ramës dhe ?Rilindjes? me pak kontribut nga një media ?të pavarur? pakëz të ekspozuar ndaj LSI-së dhe Ilir Metës.

Turbulloje sa më shumë që të kullojë, parim i vjetër në politikë. Por dy skandalet nuk e trazuan sa duhet. Vëmendja po ngelet tek Klement Balili, brekët e Shukriut që u bënë legjendë, banaliteti dhe skandali i atij akti kriminal dhe pervers, nuk e shuante dotr zhurëmn e operacionit ndërkombëtar të drogës. Operacion ku një funksionar i lartë i LSI-së mik i Ilir Metës shpallej ?Eskobar? i Ballkanit.

Këtu vjen edhe zgjidhja e tretë, shfaqet serish aleanca ?fluide? PD-Meta. Skandali i përgjimeve. Pa u bërë ende një javë, ?aleanca e re? po shkëlqen kundër Rilindjes. PD ridrejtoi ?bateritë? ndaj Tahirit, të cilin e akuzoi edhe për drejtorin e Metës, ky i fundit nuk e kurseu LSI-në dhe Metën duke theksuar publikisht se aleanca me krimin ishte përtej opozitës. Kokëdhima njëkohësisht e identifikoi Balilin si njeriun e Metës dhe LSI-së. PD-ja nga ana tjetër vazhdoi të theksonte se ishte njeriu i Rilindjes, por edhe të bërtiste fort për përgjimet duke akuzuar fort Tahirin dhe mbrojtur Metën.

Tre skandale brenda një jave ku asnjëri nuk ka vëmendjen e duhur. Opozita nuk kërkon hetim për lidhjet e Balilit me politikën, por i drejtohet skandalit të përgjimeve. Ndihmon dhe jep kontribut konkret për kreun e LSI-së. Ndihmë për të hequr vëmendjen nga problemi kryesor dhe për të ndihmuar ish-aleatin i cili duket shumë i mërzitur më Ramën. Një mundësi që PD ta kthejë në gjirin e saj nesër si një shans për tu rikthyer shpejt në pushtet. Sulmi ndaj Rilindjes dhe heshtja ndaj Metës duket një strategji tashmë publike e Lulzim Bashës dhe ?Rilindasve? të tij në PD./citynews