E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Balili u lejua nga qeveria për t'u arratisur”

16 Maj 2016, 19:21, Aktualitet CNA

Ish-Kryeministri Sali Berisha ka zhvilluar ditën e sotme një takim me Thomas O? Melia, ndihmës administrator i USAID për Europën dhe Euroazinë, i cili shoqërohej në këtë takim nga ambasadori amerikan Donald Lu. Berisha ka deklaruar në këtë takim, se Klemend Balili është lejuar nga qeveria për t’u arratisur. Berisha ka shtuar se bashkëpunimi i qeverisë me krimin është i qartë në shumë raste, duke përfshirë Arben Frrokun dhe Emiljano Shjullazin.

Statusi i ish-Kryeministrit Sali Berisha lidhur me takimin

Te dashur miq, sot prita në një takim zotin Thomas O? Melia, ndihmës administrator i USAID për Europën dhe Euroazinë, i cili shoqërohej në këtë takim nga ambasadori amerikan në vendin tonë, zoti Donald Lu.

Shpreha falenderimet për Shtetet e Bashkuara të Amerikës dhe USAID, për mbështetjen e madhe dhe ndihmën thelbësore që i kanë dhënë vendit tonë në qindra projekte të suksesshme, të financuara dhe zbatuara gjatë këtyre viteve, të cilat kanë ndryshuar shumë jetën e shqiptarëve. Vlerësova se mbështetja e USAID për Shqipërinë është e pazëvëndësueshme ndaj dhe shpreha mirënjohjen që USAID vazhdon ende të mbështesë vendin tonë në të gjitha fushat në përpjekjen e shqiptarëve për konsolidimin e demokracisë, ndërtimin e ekonomisë së tregut, institucioneve etj.

Në këtë takim u diskutua për reformën në drejtësi, për të cilën shpreha falenderimet për mbështetjen e ambasadorit Lu dhe të qeverisë amerikane për këtë reformë, e cila është jetike për vendin dhe progresin e tij drejt BE. Shpreha se reforma u shty dhe u ngadalësua shumë pasi Edi Rama, duke i bërë vendit një dëm shumë të madh, refuzoi konsensusin dhe doli me tezën se në Shqipëri nuk është punuar ndonjëherë me konsensus, në një kohë që çdo reformë e madhe në këtë vend, në këto 25 vite, është bërë vetëm me konsensus.

Theksova se tashmë palët janë ulur dhe po punojnë me njëra tjetrën dhe shpreha besimin se do ecet drejt finalizimit të saj.

Në këtë takim theksova se problemi më kardinal me të cilin sot përballet vendi është krimi, krimi i lidhur me nivelet më të larta të qeverisë, i cili po rrënon çdo ditë reputacionin e Shqipërisë dhe që kërcënon si stabilitetin e vendit ashtu dhe progresin drejt BE-së.

Në këtë kontekst, e njoha ndihmës administratorin e USAID për Europën dhe Euroazinë me ngjarjen më të fundit, ku javën e kaluar, autoritetet greke, së bashku me DEA-n, duke hetuar një grup të fuqishëm trafikantësh gjetën se bosi i tyre, të cilin ata e quajtën Eskobari i Ballkanit, ishte drejtor në një ministri të qeverisë. Autoritetet policore shqiptare, pas këtij lajmi, u thanë shqiptarëve se prej disa muajsh, ata, së bashku me partnerët, po e hetonin këtë rast ndërkohë që Klement Balilit i dhanë të gjitha mundësitë për të ikur nga Shqipëria, dhe pasi përcollën jashtë vendi u thanë se nuk kishte asnjë problem.

Theksova se bashkëpunimi i qeverisë me krimin është i qartë si kristali në shumë e shumë raste, ndër ta rasti i Arben Frrokut dhe Emiljano Shjullazit, për të cilët ambasadori amerikan u detyrua të denoncojë publikisht qënien e tyre të lirë, por ata ishin të lirë sepse Edi Rama me konceptin e krimit të dobishëm nuk lejonte arrestimin e tyre. Ndaj dhe bashkëpunimi në fushën e zbatimit të ligjit me qeverinë amerikane është jashtëzakonisht i rëndësishëm! sb