web counter
LEXO PA REKLAMA!

SHKARKO APP

App Store
Google Play

Presidenti Nishani: Pajisja e përgjimit ekziston

16 Maj 2016, 18:15, Aktualitet CNA

Presidenti i Republikës Bujar Nishani ka deklaruar sot se pajisja e përgjimit e përfolur ditët e fundit në media, ekziston. Kreu i Shtetit ka shtuar se përdorimi i kësaj pajisje ka kërcënuar sigurinë kombëtare dhe integritetin e institucioneve shtetërore dhe qytetarëve shqiptarë. Presidenti i ka bërë thirrje Prokurorisë që të hetojë procesin e sjelljes në Shqipëri të kësaj pajisjeje të paligjshme siç e quajti ai.

“Tashmë i konfirmuar nga institucione shtetërore që ky mekanizëm ilegal, anti ligjorr qenka prezent dhe funksionon. Ky përbën një shqetësim shumë të madh për shtetin ligjor. Për atë që ju besonit fort. Nga kjo sallë bëj thirrje dhe i kërkoj prokurorisë së shtetit që të mbroj dinjitetin e shtetit dhe qytetarëve të tij, të mbrojë dimensionin e sigurisë sonë kombëtare. I bej thirrje prokurorisë që të hetojë procesin e sjelljes në Shqipëri të kësaj pajisjeje ilegale që kërcënon secilin. Të hetojë kush ka qenë ai autoritet doganor që ka lejuar të hyjë ajo pajisje në Shqipëri. Pajisja ka kërcënuar sigurinë kombëtare të Shqipërisë. Ka kërcënuar integritetin e të gjitha institucioneve dhe të cdo qytetari të thjehstë” është shprehur Nishani.

Kreu i Shtetit vijoi më tej në deklaratën e tij, ku tha se çdo akt që pengon zbatimin e Kushtetutës dhe të ligjit, përmes dëmtimit apo tjetërsimit të provave do të përballet me ligjin “I kërkoj Prokurorisë të hetojë deri në fund të gjithë ata elementë dhe autoritete që kanë përdorur këtë pajisje të paligjshme. Një pajisje e tillë as nuk mund të vijë në Shqipëri pa lejen e Prokurorisë së shtetit. I bëj thirrje të gjithë atyre personave dhe institucioneve që pengojnë hetimet, të mos bëhen pengese e zbatimit të ligjit. Çdo akt që pengon zbatimin e Kushtetutës dhe të ligjit, përmes dëmtimit apo tjetërsimit të provave do të përballet me ligjin, ” deklaroi Nishani në 25-vjetorin e Shoqatës së të Burgosurve Politikë.





Lajmet e fundit nga