Dy pistat/ Artan Hoxha: Një vrasës me pagesë mund të jetë ekzekutori i Elton Çiçit

2 Maj 2016, 19:11, Aktualitet CNA

Gazetari investigativ Artan Hoxha ka hedhur dy pista lidhur me autorin e vrasjes së Elton Çiçit, i cili u ekzekutua mbrëmjen e djeshme në afërsi të stadiumit “Selman Stermasit”. I ftuar në rubrikën ?Opinion? në ?News24?, gazetari Hoxha tha se pamjet dëshmojnë se autori nuk është një vrasës i zakonshëm, por kemi të bëjmë me një profesionist. Drejtuesi i emisionit “Xhungël” tha se ose kemi të bëjmë me një vrasës me pagesë, ose në grupin e autorëve që kanë kryer grabitjen e prindërve të viktimës ka dhe vrasës.

?Autori hyn qetësisht në lokal, në një orar që lokali është i populluar. I është afruar viktimës, e ka bërë vrasjen pothuajse me puqitje. Viktima ka qenë i ulur me një oficer policie dhe dy qytetarë të tjerë, në momentin e vrasjes ka qenë duke shkruar mesazh me celular. Viktima rrinte i armatosur. Autori qëllon dy herë dhe kthehet për tu larguar. Përplaset me një person, i cili ka tentuar të dalë jashtë lokalit. Kapelja që ka përdorur e ka mbrojtur nga kamera e sigurisë për ta identifikuar. Kjo lloj dinamike dëshmon se kemi të bëjmë me një vrasës profesionist?- deklaroi Hoxha.

Më tej, drejtuesi i emisionit ?Xhungël? kujtoi ngjarjet e ndodhura prej 31 marsit të vitit të kaluar, kur u grabitën prindërit e viktimës Elton Çiça në Tepelenë. Sipas Hoxhës, vrasja e djeshme ka të bëjë me këtë histori konflikti.

?Viktima ka të bëjë me një histori konflikti që ka nisur në 31 marsin e vitit të kaluar. ai dhe vëllai i tij janë ndodhur në emigracion, kur në banesën e prindërve të tij një person ka kryer punime aty dhe është krijuar dyshimi se ky person mund të ketë dhënë informacion se në këtë banesë ka para. Në 31 mars tre persona kanë shkuar në banesën e Çiça dhe kanë marrë para disa sende me vlerë dhe kanë abuzuar me prindërit e viktimës. Policia ka shpallur në kërkim disa persona, por gjatë kohës që policia ka qenë në kërkim të autorëve, është ekzekutuar Robert Rama, i cili ishte në kërkim policor. Ky person dyshohej si autor në lidhje me grabitjen e 31 marsit. u ngjallën dyshime se këtë mund ta kishin bërë djemtë e familjes Çiça. Më pas ndodhën një seri atentatesh që lidhen me grabitjen e shtëpisë së prindërve të Çiças. Ose kemi të bëjmë me një vrasës me pagesë, ose në grupin e autorëve që kanë kryer grabitjen ka dhe vrasës. Grabitja është kryer nga njerëz që kanë shkuar nga kryeqyteti?- deklaroi Hoxha.