E fundit!

19:00 Aktualitet

Vendimi për Ikballe Berishën/ Lamallari jep detaje: Informacione nga inteligjenca, ka edhe urdhër dëbimi

Ministri i Punëve të Brendshme, Besfort Lamallari, ndau so...

Berisha: Rama i dha garanci Arben Frrokut kur e takoi në Pukë!

2 Maj 2016, 17:20, Aktualitet CNA

Ish-Kryeministri Sali Berisha është shprehur se Kryeministri Edi Rama i ka dhënë garancinë vëllait të ish-deputetit, Arben Frrokut, se nuk do të shpallej në kërkim nga Interpoli. Përmes një postimi në rrjetet sociale, Berisha shton se kjo garanci i është dhënë Frrokut në një takim në Pukë në 20 qershorin e vitit të kaluar me shefin e qeverisë. Berisha shkruan se Ministri i Brendshëm, Saimir Tahiri ka biseduar me kolegun e tij malazez për të lejuar Arben Frrokun që të kalonte lirisht në Kroaci për t’u arratisur nga vendi.

Ja çfarë shkruan Ish-Kryeministri Sali Berisha

Edvin Shullazi nuk lejoi shpalljen ne kerkim te Arben Frrokut te denuar perjete per vrasjen e komisarit Lame!

Te dashur miq, burime te brendshme nga Interpol Tirana sigurojne se eshte Edvin Shullazi direkt, personi qe nuk ka lejuar shpalljen ne kerkim nderkombetar te Arben Frrokut, vrasesit Komisarit Lame, te denuar me denim te perjetshem nga Gjykata e Apelit Tirane. Kjo garanci iu dha Frrokut ne takimin e Rames me Frrokun me 20 qershor ne Hotel Turizmin e Pukes, takim ne te cilin Rama, i informuar per vendimin e gjykates se apeli, i kerkon atij te largohet menjehere nga Shqiperia duke e siguruar se nuk do te kishte vule ne pashaporte ne vend-kalimin kufitar te Shqiperise me Malin e Zi dhe se ai nuk do te shpallej nga interpol Tirana ne kerkim nderkombetar.

Frroku u ndalua per mungese te vules ne pashaporte ne piken e kalimit te kufirit shqiptar, por po me porosi te vet Rames, pas mesazhit qe mori nga vrasesi, Saje qorri bisedoi me kolegun e tij malazez dhe e lejuan te kaloje ne Kroaci. Pas arrestimit te Frrokut me dt 5 mars ne Hollande, Rama urdheroi Ardian Çipen dhe nje ndrikulle ne Interpol Tirana (qe kishte bllokuar dokumentat belge per vrasjen e Mark Frrokut, pra vellait te Arbenit) per te mos i derguar asnje te dhene Interpolit te Hollandes, ne menyre qe te kalonte afati i paraburgimit dhe Frroku te kerkonte, njelloj si shqiptaret e tjere, azil politik nga regjimi i Edi Rames dhe qeveria e tij, nje organizate e vertete kriminale!