web counter
LEXO PA REKLAMA!

SHKARKO APP

App Store
Google Play

Braçe: Qeveria të kuptojë se nuk konkurohet vetëm me domate dhe kastraveca

2 Maj 2016, 19:02, Aktualitet CNA

Kreu i Komisionit Parlamentar të Ekonomisë, njëherazi deputeti socialist Erjon Braçe është shprehur se qeveria dhe fermerët duhet të kuptojnë se nuk konkurohet në treg vetëm me domate dhe kastraveca. Në një intervistë për Ora News, Braçe tha se duhen stimuluar produktet bujqësore të prodhuara bio dhe produkte bujqësore që kërkohen nga tregjet jashtë.

Braçe ka evidentuar katër probleme madhore në bujqësi, zgjidhja e të cilave do ta shndërrojë këtë sektor në kontribuesin kryesor të rritjes ekonomike të vendit. Sipas Braçes, duhet bërë riorientimi i prodhimit bujqësor në kohë për të marrë avantazhin e hershmërisë, duhet orientim në shumëllojshmëri produktesh për të qenë konkurues në treg, një skemë e re subvencionesh për fermerët dhe krijimi i zonave ekonomike me sipërfaqe të mëdha bujqësore, ku e para do të jetë ajo Berat-Lushnje-Divjak.

Kreu i Komisionit të Ekonomisë ka sugjeruar një skemë të re për të mbështetur financiarisht fermerët. “Për mua AZHBR duhet shkrirë dhe duhet ndërtuar një Agjenci e madhe pagesash që orienton paratë publike të buxhetit të shtetit drejtëpërdrejtë tek bujku, tek fermeri, me qëllim që edhe produkti i tij të jetë i subvencionuar për të konkuruar produktin e atij tjetrit atje matanë.”





Lajmet e fundit nga