web counter
LEXO PA REKLAMA!

SHKARKO APP

App Store
Google Play

PS nis përgatitjet për zgjedhjen e krerëve në 61 degë

30 Prill 2016, 07:00, Aktualitet CNA

Partia Socialiste do t?i nënshtrohet një tjetër procesi zgjedhor pas zgjedhjeve të strukturave drejtuese. Socialistët do të nisin javën tjetër përgatitjet për zgjedhjen e krerëve të PS në 61 degët e saj. Kryeministri Edi Rama mblodhi dje 7 sekretarët e rinj, ku u ndau detyrat e reja dhe i njoftoi që të përgatiten seriozisht për procesin zgjedhor, për zgjedhjen e krerëve të rinj të PS.

Gazeta “Sot” shkruan se të martën do të mblidhet Kryesia e PS, e cila do të nxjerrë një udhëzim, ku do të përcaktohen qartë rregullat që do të ndiqen për procesin zgjedhor dhe kriteret për kandidatët për krerë të partive në 61 degët e PS. Aktualisht ka nisur piketimi i kandidatëve për kryetarë. Koordinatorët së bashku me drejtuesit aktualë të strukturave po përpiqen të vendosin në vijë garën për kryetarë, duke nisur me përzgjedhjen e kandidaturave.

Sigurisht, kandidatët duhet të jenë njerëz pro Ramës dhe të kenë dhënë kontribut për rritjen e së majtës, sidomos në zgjedhjet e fundit. Javën tjetër, këshillat socialistë të njësive administrative dhe të bashkive do të propozojnë kandidatët, ndërsa Kryesia do të bëjë përzgjedhjen dhe seleksionimin e tyre. Siç dihet, në Kryesi, kryeministri Edi Rama ka futur njerëzit më të afërt më besnikë, ndërsa të vjetrit i ka përjashtuar. Kjo është një strategji që Rama e aplikoi edhe me krijimin e ekipit qeverisës; njerëz të rinj në mënyrë që ta ketë më të lehtë për t?i komanduar dhe manipuluar. Në bazë aktualisht kanë nisur lëvizjet për përzgjedhjen e kandidatëve.

Udhëzimi i ri që pritet të dalë nga Kryesia e PS, ditën e martë, do të parashikojë që kandidatët duhet të kenë arsimin e lartë dhe duhet të kenë dhënë kontribut dhe angazhim politik të spikatur të paktën gjatë dy viteve të fundit elektoralë, dhe duhet të kenë përvojë në organizimin e strukturave lokale të partisë. Ata individë që nuk kanë dhënë maksimumin në zgjedhjet e fundit lokale, për fitoren e së majtës shqiptare, nuk do kenë të drejtë të kandidojnë.





Lajmet e fundit nga