web counter
LEXO PA REKLAMA!

SHKARKO APP

App Store
Google Play

Nga Artan Fuga/ Përse mbështes vendosjen e Kullës mbi stadium?

29 Prill 2016, 18:55, Aktualitet CNA

Përse mbështes vendosjen e Kullës mbi stadium?
——————–

Sepse aty do të luajë ndeshjet e veta kombëtarja e futbollit.

Pse duhet të vendoset flamuri kombëtar?

Ku tjetër ka ditur strategjia ekonomike e Shqipërisë ta orientojë kapitalin privat veçse në kulla betoni, baj e fut beton nëpër shkallë.

Kulla është simboli i historisë Shqiptare së fundmi.

Ajo kullë shkon shumë mirë me simulimin imagjinar të hartës të Shqipërisë.

Cfarë dreqin keni?

A nuk personifikon kulla Shqipërinë e këtyre viteve?

Po ju them se kjo nuk diskutohet.

Kullat boshatisën territorret e Shqipërisë dhe i hypën shqiptarët si majmuna nëpër katrahura betoni të tipit më mediokër dha banal duke i hequr nga malet, kodrat, lumenjtë, brigjet e vendit.

Kullat na bënë të besojnë se kemi ritme rritjeje dhe me beton e hekur shëmbën ekonominë shqiptare duke krijuar gropën thithëse të të gjithë kapitaleve të shqiptarëve.

Kulla hangri ekonominë shqiptare.

A nuk e shkatërroi qytetin kulla duke ngushtuar rrugët, shëmbur monumentet historike, betonizuar?

A nuk na morri ajrin dhe detin, dhe hënën dhe pejsazhin Kulla?

Kulla, a nuk na vrau,
na dogji,
na cmendi,
na sëmuri?

A nuk i përzuri nga qyteti i ndytë kulla pushtetarët dhe pasanikët duke i cuar të jetojnë andej jashtë Tiranës?

A nuk na la vetëm ne budallenjtë dhe naivët që nuk dimë të marrim vota Kulla në Tiranë?

A nuk po zëvendësojmë me kulla pemët, parqet, lulishtet?

Pra kulla është simboli i kombit shqiptar.

Si të mos valvitet kulla mbi stadium ku do të luajë kombëtarja ?

A jeni në vete more ju që e kundërshtoni.

Ne nuk jemi qytetërim i ilirëve, as i osmanëve, as i kinezëve, as robokopëve, por i kullave.

Ne jemi majmuna të ngjitur në kulla.

Madje unë them që edhe stadiumin ta heqim dhe të luajmë futboll ke tarraca e kullës.





Lajmet e fundit nga