web counter
LEXO PA REKLAMA!

SHKARKO APP

App Store
Google Play

Basha: Rama në hall, po i bien “trimat” një e nga një

29 Prill 2016, 12:59, Aktualitet CNA

Kryetari i Partisë Demokratike, Lulzim Basha, shprehet se kryeministri Edi Rama është në hall të madh pasi po i bien trimat një e nga një. Përmes një statusi në rrjetet sociale, Basha shkruan se vjedhjet po dalin sheshit dhe askush nuk e beson më Ramën. Sipas Bashës, kryeministri Rama ka filluar hakmarrjen ndaj ish-kryeministrit Sali Berisha për denoncimet e tij në lidhje me kërcënimet e Emiljano Shullazit dhe arrestimin e Arben Frrokut. Kreu i opozitës shkruan se këto janë klithmat e fundit të krimit në pushtet sepse ora po afron.

Postimi i Bashës

Edi Rama eshte ne hall te madh. Nje e nga nje po i bien “trimat” nga Mark Frroku tek Arben Ndoka, nga Emiliano Shullazi tek Arben Frroku. Vjedhjet po i dalin sheshit e askush nuk e beson me. Ne menyre primitive ka nisur te hakmerret. E nisi me Shullazin e u hakmorr ndaj Sali Berishës.
Sali Berisha denoncoi krimet e tij, ndërhyrjen për të kapur rektoratin, ndaj banda thirri byronë, dhe byroja veproi sipas paktit. Adjutanti ishte ai, vegla e Ramës për punët e pista. Taulanti.
Po sot, i njëjti adjutant-taulant u shfaq sërish, duke shërbyer një bandë tjetër të Edi Ramës, duke paralajmëruar një hakmarrje tjetër të krimit ndaj Sali Berishës. Se ju prishi planet për ta mbajtur të fshehtë ndalimin në Holandë të Arben Frrokut i dënuar me burgim të përjetshëm për vrasjen e komisarit Lamaj.
Ky eshte aksioni i përbashkët Shullazi Rama dhe Frroku Rama. A di ta dallojë ndokush ku mbaron banda e ku nis kryeministri? Asnjë fije e hollë nuk i ndan.
Këto janë klithmat e fundit të krimit në pushtet, sepse ora po afron. Sunduan tre vite, po koha mbaroi. Shqipëria dhe shqiptarët po ngrihen mbi krimin dhe lidhjet e tij me pushtetin.





Lajmet e fundit nga