E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Të gjithë kundër Kokëdhimës

25 Prill 2016, 14:29, Aktualitet CNA

Mbledhja e sotme e grupit parlamentar socialist është shoqëruar me debate të shumta. Një nga pikat ku janë fokusuar diskutimet ka qenë mungesa e deputetit Koço Kokëdhima në Komisionin Parlamentar të Ekonomisë.

Deputeti Erion Brace ka kërkuar pjesëmarrjen e deputetit Koço Kokëdhima në komision ose zëvendësimin e tij.

?Më sillni Kokëdhimën në Komisionin e Ekonomisë ose zëvendësojeni. Kokëdhima po bllokon punën e Komisionit të Ekonomisë, ka të tjerë që presin në radhë?, është shprehur deputeti Erjon Braçe, që është dhe kryetari i Komisionit të Ekonomisë.

Në fakt, kjo nuk është hera e parë që deputetët socialist i kundërvihen sjelljeve të Koço Kokëdhimës. Komisari i jugut nuk ka qenë në qendër të vëmendjes edhe kur kreu i grupit parlamentar socialist, Gramoz Ruci, i ka kërkuar të merrte pjesë në seancat parlamentare.

Koço Kokëdhima, apo sic njihet ndryshe, beu i jugut, pasi ka marrë nën kontroll këtë zonë, është kundërshtuar disa herë nga deputetët socialist, por edhe nga anëtarët e thjeshtë. Ambicia e tij për ti rrëmbyer postin e sekretarit Gramoz Rucit u shuajt shumë shpejt dhe nuk u mbështet thuajse nga askush brenda Partisë Socialiste. Në fakt, pas votimit në Asamblenë Socialiste, Kokëdhima rezultoi sekretari më pak i votuar.

Një muaj më parë, deputetët socialist, fitues në jug të vendit, kanë nisur mbledhjen e firmave për një peticion i cili do ti dërgohet kryetarit Edi Rama për largimin e Kokëdhimës dhe kompetencave të tij në këtë zonë.

Kulmi i përplasjeve mes Kokëdhimës dhe deputetëve socialistë erdhi kur mandati i tij u dërgua në Kushtetuese, me votat e të majtëve. Disa ditë më vonë, Kokëdhima i kërkoi llogari deputetëve se pse e kishin votuar dërgimin e mandatit të deputetit në Kushtetuese.

Përplasjet e shumta të Kokëdhimës, etiketimi i tij si ?kryeministri i jugut?, që në fakt po e dëmton Partinë Socialiste, si dhe lëvizjet e tij të lira politike, larg mendimit të grupit parlamentar, kanë krijuar antipati tek deputetët socialist, të cilët tashmë kanë dalë hapur kundër tij. I vetmi që e përkrah Kokëdhimën duket se është kryeministri Edi Rama.