E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Basha: Dënimi i Sali Berishës, hakmarrje për t’i dhënë gajret bandës së Shullazit

25 Prill 2016, 12:21, Aktualitet CNA

Partia Demokratike ka vendosur të bojkotojë të gjithë aktivitetin parlamentar të kësaj jave për shkak të përjashtimit të ish-kryeministrit, Sali Berisha, për 10 ditë nga seancat parlamentare.

Kryetari i Partisë Demokratike, Lulzim Basha, është shprehur se përjashtimi i Berishës vjen si hakmarrje e Edi Ramës për denoncimin që ish-kryeministri bëri për skandalin ?Rama-Shullazi?

?Në shenjë proteste ndaj një vendimi të padrejtë, të pambështetur dhe të paargumentuar në ligj dhe në rregullore, Grupi Parlamentar vendosi bojkot të plotë dhe të gjithanshëm të gjithë aktivitetit parlamentar gjatë kësaj jave. Një vendim që u mor si hakmarrje e Edi Ramës për denoncimin e aferës së Shullazit, megaskandalit të shtetit ?Rama-Shullazi? me shpresën se përmes një vendimi të tillë do të sfumojë dhe debatin publik i cili po rritet nga dita në ditë, po zmadhohet, po forcohet mbi shtetin e Edi Ramës që rezulton të jetë shteti i Emiliano Shullazit. Shteti i banditit dhe banditëve, ku çdo zyrë duke filluar nga zyra kryeministrore, zyra e ministrit të Brendshëm dhe zyra të tjera të shtetit, hipotekat, doganat, policia janë në dispozicion të banditëve. Të banditëve që sot terrorizojnë jo vetëm biznesin, qytetarët por kanë guximin të diktojnë vendimet politike për të marrë pasuritë e shqiptarëve, për të grabitur pasuritë e shqiptarëve, e për të mos u përgjigjur para ligjit dhe për t?i shpëtuar ligjit dhe ndjekjes penale.? tha Basha

Më tej, Basha tha se Partia Demokratike do të inkurajojë prokurorinë për një hetim të pavarur të krimit të organizuar me lidhje qeveritare kanë shënuar një pikë kthese me arrestimin e Emiliano Shullazit dhe disa prej anëtarëve të bandës së tij.

“Nga njëra anë ne do të vazhdojmë të inkurajojmë hetimin e kësaj çështje, prokurorët me integritet të cilët përkundër gjithë shanseve në këto dy vite e gjysëm për një hetim të pavarur të krimit të organizuar me lidhje qeveritare kanë shënuar një pikë kthese me arrestimin e Emiliano Shullazit dhe disa prej anëtarëve të bandës së tij. Por nga ana tjetër po ndjekim dhe do të ndjekim me vëmendje të madhe bashkë me qytetarët tanë, bashkë me partnerët ndërkombëtarë çdo hap që qeveria e Edi Ramës dhe Edi Rama personalisht po hedhin për t?i dhënë gajret bandës. Siç është dënimi i Sali Berishës pa asnjë bazë ligjore, pa asnjë argument, apo qëndrimi i pafalshëm i Edi Ramës të premten ku në një logore të gjatë e të zvarritur, me zë të dridhur u mundua të bëj avokatinë e Emiliano Shullazit dhe bandës së tij?, u shpreh ai