Pasi u dogj Laboratori Shkencor “merr arratinë”/ Zyrat i do qeveria

25 Prill 2016, 10:05, Aktualitet CNA

Laboratori Shkencor i ka orët e numëruara. Jo se i kanoset ndonjë rrezik, por thjesht për faktin se momentalisht i ka zyrat në vendin e gabuar. I vetmi ambient që vërteton shkencërisht, ose rrëzon po ashtu provat që sjell prokuroria dhe policia, tashmë duhet të ?arratiset?, pasi u dogj një herë.

Policia Shkencore ndodhet në Gardën e Republikës, aty ku është zhvendosur përkohësisht edhe një pjesë e stafit të Ministrisë së Brendshme dhe vetë ministri Saimir Tahiri, për shkak të rikonstruksionit me fond ?luksi? të dikasterit blu.

Por zyrtarët e ministrisë do të ulen sërish në zyrat që kishin, kurse ekspertëve të Laboratorit Kriminalistik u mbetet të ?marrin sërish rrugët?. Ata kanë kohë deri në fund të këtij muaji që të gjejnë ambientet për të zhvilluar punën e tyre, pasi në Gardën e Republikës do të ndërtohen komplekset qeveritare që janë parashikuar.

Në ambientet e reja, pra në Gardën e Republikës, sapo janë instaluar edhe dhomat e AND-së dhe aparaturat e tjera me vlerë dhjetra mijëra euro. Për sterilizimim e këtyre dhomave të AND-së, apo përgatitjen e aparaturave për ekspertizën balistike, përveçse u kërkua kohë për instalim, u nevojitën edhe investime të konsiderueshme. Burimet shtuan se në rast zhvendosjeje rrezikohet seriozisht dëmtimi i këtyre aparaturave të kushtueshme.

Nga ana tjetër, në zyrën e vjetër ka mbetur edhe një laborator i AND-së, që kushton 300 mijë euro. Kjo aparatuturë nuk u zhvendos, pasi kompania që merrte përsipër inslalimin në ambientet e reja kërkonte mijëra euro, ndaj u pa e arsyeshme që të qëndronte në vend.

Burime policore thanë për Citynews se situata ku ndodhen ekspertët kriminalistikë, tanimë është për të ardhur keq, pasi do t?u duhet të nisin eksodin e radhës. Gjithçka ngjason me një tradhëti brenda llojit, pasi në kohën kur Ministria e Brendshme do të rikthehet në zyrat e mëparshme, Laboratori Kriminalistik nuk ka ku të shkojë, sepse zyrat e vjetra qeveria ia ka dhënë Auron Tares së Agjencisë Kombëtare të Bregdetit.

Të njëjtat burime policore shtuan se janë parë disa ambiente ku mund të zhvendoset ky laborator, si psh pranë Akademisë së Policisë, apo në disa reparte në Vaqarr, por gjithçka mbetet e paqartë.

Para pak muajsh, ky laborator u dogj bashkë me provat materiale të më shumë se 20 dosjeve dhe ekspertët e zjarrfikëses që kryen hetimet nxorrën si konkluzion se flakët ranë si pasojë e llambave të vjetëruara kineze. Këtij laboratori nuk i mjaftoi djegja, por tanimë do t?i duhet të bredhë si ?çifuti në shkretëtirë?. Ekspertët kriminalistikë u janë ankuar specialistëve ndërkombëtarë të PAMECA dhe ICITAP, që mbështesin policinë shqiptare, si të vetmet institucione që kanë mundur ?t?ua qajnë hallin?, pasi shqetësimet adresuar Ministrisë së Brendshme apo Policisë së Shtetit kanë rënë në vesh të shurdhër.

Laboratori Kriminalistik prej kohësh është vënë në qendër të akuzave politike, por edhe të zyrtarë nga institucionet e pavarura. Kosta Beluri, Drejtori i Antikorrupsionit në Prokurorinë e Përgjithshme, akuzoi drejtpërdrejtë këtë laborator për vonesë në kthimin e përgjigjeve që kërkon prokuroria, në lidhje me ekspertiza të ndryshme.